Suðurlandsveg verður að tvöfalda

Mann setti alveg hljóðan við fregnir af banaslysinu á Suðurlandsvegi um helgina. Þar létust fimm ára stelpa og karlmaður á þrítugsaldri. 54 hafa nú látið lífið í umferðinni á Suðurlandsvegi frá árinu 1972. Öllum er ljóst að tvöfalda verður þessa miklu hraðbraut milli Reykjavíkur og Selfoss.

Ég hvet alla til að smella á sudurlandsvegur.is og skrifa þar undir áskorun til samgönguráðherra um að tvöfalda Suðurlandsveg, án tafar. Árið 2006 er sorglegt í umferðinni. 27 hafa látist í umferðarslysum á árinu. Þeir voru 19 í september er átakið "Nú segjum við stopp" hófst.

Þetta er sorgleg þróun, sem okkur öllum ber skylda til að reyna að snúa við.

2.000 undirskriftir frá laugardegi