Magnús gjaldþrota - hörð lending auðmanna

Ég undrast ekki að Magnús Þorsteinsson hafi fengið skellinn mikla í Héraðsdómi Norðurlands eystra hér í dag. Lögheimilaflutningarnir og tilraunin til að bjarga sér frá skuldadögunum var ekki sannfærandi og eðlilegt að auðmaðurinn sé tekinn til gjaldþrotaskipta. Þessi harkalegu endalok ættu ekki að koma honum að óvörum.

Mér finnst felast í þessari niðurstöðu að auðmenn geti vænst erfiðra tíma þegar þeir fara fyrir dóm og bú þeirra verða gerð upp síðar meir. Þeir hafa ekki í mörg skjól að venda nú þeir menn sem áður voru fastagestir í kokteil á Bessastöðum.

Fallist á gjaldþrotakröfu

Athugasemdir

[Oddur Helgi Halldórsson, 4.5.2009 kl. 22:30]

Ef þú ert duglegur að afla lánsfjár og eyðir á báða bóga og getur svo ekki borgað skuldir þínar ertu þá "auðmaður"? 

[Smjerjarmur, 5.5.2009 kl. 00:02]

Myndin hja þer er goð. 

Annars er Magnus hinn besti maður að minu viti og eg vona að honum reiði ekki illa af i þessu.  Hins vegar var ræðan sem OGR flutti þegar Magnus opnaði frystigeymslur Eimskips i Kina einhvers su hastemmdasta sem hann hefur nokkru sinni flutt.  Eiginlega braðfyndin.

[Jóhann Hallgrímsson, 5.5.2009 kl. 00:03]

Þeir verða kanski ekki fastagestir í teboði á bessastöðum,en  þeir verða skemmtiatriðið í annarsskonar einkaboði á litla hrauni