Manndrápsakstur á Reykjanesbraut

Enn og aftur berast fregnir af ökumönnum sem keyra um á manndrápshraða, keyra langt yfir hraðamörk og jafnvel í vímuástandi. Nú er ökumaðurinn 17 ára, nýbúinn að fá prófið og leggur í áhættuna, væntanlega án þess að hugsa nokkuð. Akstur á þessum hraða og við þessar aðstæður flokkast ekki undir neitt annað en hreinan háska, enda eru í senn bæði ökumaðurinn og þeir sem hann mætir í lífshættu vegna þess.

Hvað er fólk að hugsa þegar að það keyrir á slíkum hraða eða hvað fer í gegnum huga þess á meðan? Eða sennilega hugsar það auðvitað ekki neitt, þeysir bara áfram hugsunarlaust. Þeir sem keyra svona bera ekki einu sinni virðingu fyrir sjálfu sér og hvað þá þeim sem það mætir á leið sinni.

Í sjálfu sér tel ég þetta orðið eitt mesta vandamálið í umferðinni í dag. Engin trygging er fyrir því þegar fólk sest undir stýri og heldur út í umferðina að það mæti ekki fólki undir áhrifum vímugjafa - út úr heiminum í sínu annarlega ástandi. Skuggalegt alveg.

Er alveg sama hvað predikað er fram og aftur um ofsaakstur? Er ungt fólk tilbúið að taka áhættuna og fórna lífi sínu og annarra fyrir?

Tekinn á 177 km hraða

Athugasemdir

[Jón Tynes (IP-tala skráð) 16.5.2009 kl. 01:25]

Kannski fengið of mikinn sykur? En gríni sleppt þá á að hækka aldursmörkin í 18 ár og takmarka hestaflafjölda fyrstu 3 árin.  Almennt töluverð þroskaaukning á milli ára á þessu aldursskeiði. Bifreiðar alltaf að vera kraftmeiri.

[Magnus Gudmundsson (IP-tala skráð) 16.5.2009 kl. 03:33]

stutt svar, já

Ungt fólk er ódauðlegt.

Og ef það er til ábyrgur staður á Íslandi til að stunda hraðakstur, þá er það þarna.

[Steini (IP-tala skráð) 16.5.2009 kl. 04:55]

Það er auðvitað bara kjánaskapur að gera þetta á Reykjanesbrautinni, þar sem umferð er mikil og Lögreglan slakar ekki á gæslunni. Ef menn vilja gefa í, þá er lágmark að þeir finni sér góðan veg þar sem umferð er engin og aðstæður góðar. Mér er slétt sama ef menn ákveða að stofna sér sjálfum í hættu, en þeir hafa engan rétt til að stofna mér og þér í hættu í leiðinni.

Annars held ég að það myndi ekki drepa okkur ef hámarkshraði á Reykjanesbrautinni væri hækkaður. Þetta er líklegast einn besti vegur á Íslandi og styður auðveldlega meiri hraða. Síðan eru bílarnir mikið, mikið betri í dag en þeir voru fyrir 20 árum, en hraðatakmörkin hafa lítið breyst. Þetta er víst voðalega svart svæði, sem er asnalegt, því meiri hraði þýðir ekki aukin slysahætta eða dauðsföll. Það hefur margsannað sig, sérstaklega þegar útlöndin eru skoðuð nánar. Ég held að 100 eða 110 km/klst við bestu aðstæður væri góð byrjun.

[Sverrir Einarsson, 16.5.2009 kl. 09:05]

Lausnin er að 17 - 20 ára ökumenn fá ekki að aka ökutækjum  yfir ákveðinni hestafla stærð.

Svona eins og þegar þú tekur flugpróf þá færðu ekki leyfi til að fljúga Phantom F 15 þotum fyrr en eftir ákveðinn tíma (reynsla) og aukin réttindi.

Hér heima geta börn 17 ára og nýkomin með bílpróf sest undir stýri á ökutæki sem er með allt að 400 hp vél og enginnn gerir neina athugasemd. Sem er auðvitað fáránlegt.