Fær ekki Jóhanna fálkaorðuna fyrir silfrið?

Mér finnst ekki óeðlilegt að velta því fyrir sér hvort silfurstúlkan okkar, Jóhanna Guðrún, fái fálkaorðuna fyrir annað sætið í Eurovision. Hvort verði ekki verðlaunað jafnt fyrir tónlist og íþróttir. Afrek Jóhönnu er ekki lítið - sá sem fær Hollendinga og Breta til að kjósa Ísland eftir Icesave-málið er ekkert blávatn. Á hrós skilið.



En verður þá ekki Selma að fá fálkaorðuna líka? Auðvitað, enda stóð hún sig frábærlega í Ísrael árið 1999. Var 17 stigum frá því að vinna keppnina. En kannski er það bara þannig að íþróttirnar eru hærra skrifaðar hjá orðunefnd en tónlistin. Leitt er ef satt er.

Afrek Jóhönnu nú er mikils virði fyrir þjóðina eftir allt sem á undan er gengið, sérstaklega eftir þennan erfiða vetur.

Fróðleikur um Evróvisjón

Athugasemdir

[Halldor (IP-tala skráð) 19.5.2009 kl. 05:37]

Enginn fálkaorða það er geggjaður plebbaháttur

[Dögg Pálsdóttir, 19.5.2009 kl. 09:39]

Akkúrat það sem ég hef verið að velta fyrir mér. Við hljótum að bíða eftir því hvað Bessastaðir gera nú. Kannski finnst ráðamönnum þar að heillaóskaskeytið dugi.

[Þórir Hrafn Gunnarsson, 19.5.2009 kl. 11:53]

Er ekki möguleiki að Ólympíuleikarnir séu hærra skrifaðir en Eurovision?

Annað er stærsti íþróttaviðburður jarðarinnar, hitt er frekar hallærisleg söngvakeppni sem hefur ekki skilað frá sér stórstjörnu í þrjá áratugi?

[seniorinn (IP-tala skráð) 19.5.2009 kl. 12:26]

Til hvers ad gera litid ur Johönnu med ad veita henni Falkaorduna? Thad getur augljoslega hver sem er fengid hana fyrir hvada vitleysu sem er, sbr. Sigurd Einarsson vegna frabaerrar frammistödu vid utras islendinga.

Eftirbragdid af thvi hefur verdfellt orduna mikid.