Bjöllusauður á Alþingi

Orðið bjöllusauður fékk nýja merkingu á Alþingi í dag með vinnubrögðum forseta Alþingis. Mér finnst eðlilegt að þingforseti hafi stjórn á fundum þingsins og noti bjölluna til að minna ræðumenn á tímamörk en ég tel að Ásta Ragnheiður Jóhannesdóttir hafi farið yfir öll mörk með starfsháttum sínum.

Reyndar hefur þessi þingforseti látið stórundarlega síðan hún tók við embætti og farið yfir strikið í smámunasömum athugasemdum um starfsheiti þingmanna og ráðherra og verið þar með formlegustu þingforsetum sem setið hafa áratugum saman.

Þingið þarf á virðulegum þingforseta sem sættir ólík sjónarmið og stendur vörð um virðingu þingsins mun frekar en hann verði hringjarinn í Notre Dame eða hálfgerður bjöllusauður.

Óásættanleg framkoma forsetans

Athugasemdir

[Gústaf Níelsson, 17.6.2009 kl. 01:05]

Var þetta ekki bara hin Fagra litla diskódís að slá taktinn? Stjórnmálin taka sífellt á sig sérkennilegri blæ, ekki satt?

[Olafur Sveinsson (IP-tala skráð) 17.6.2009 kl. 01:17]

Hef fylgst með störfum alþingis lengi.  Ásta Ragnheiður fór að þingsköpum. Rugglukollurinn SD fór út fyrir dagskrár málið með því að vísa í dagblað, um ummæli Jóhönnu.

[Andrés Kristjánsson, 17.6.2009 kl. 10:20]

Ég verð nú reyndar að segja að það er ekki eins og að þetta hafi fyrst átt sér stað nú. Varðandi formlegheitin þá var sem dæmi Halldór Blöndla mjög harður á þeim. Gerði alltaf athugasemd við þá sem ekki fóru rétt með virðingatitla titla þingmanna annarsvegar og ráðherra hinsvegar. Ef þingmenn fóru yfir tímamörk eða fóru út um víðanvöll í athugasemdum um þingstörf þá var slegið lengi hátt og duglega. Ef það gekk ekki þá tók hann orðið af þingmönnum. Slíkt horfði kanski öðruvísi við ykkur þá enda hafast menn ólíkt við hvort sem menn eru í meirihluta eða minnihluta.

Ekki er ég að hnýta í Halldór en störf alþingis eru á valdi Þingforseta.

[Guðbjörn Guðbjörnsson, 17.6.2009 kl. 12:52]

Ég var að hugsa um að blogga eitthvað í þessum anda, en hafði svo ekki geð í mér til að gera það.

Ég er algjörlega sammála þér og feginn að þessi skoðun komst á framfæri.

Mér fannst framkoma forseta þingsins við formann Framsóknarflokksins til háborinnar skammar! 

[Gísli Baldvinsson (IP-tala skráð) 17.6.2009 kl. 13:45]

Kemur mér á óvart að þú dettir í pólitísku skotgröfina í þessu máli, Stefán. Í áfanga 102 í fundarsköpum þá minnir fundarstjóri/forseti á meir en tímatakmörk. En það vissirðu er það ekki?

[Jón Magnússon, 17.6.2009 kl. 16:13]

Já en Stefán þingmenn verða líka að gæta þess að sýna forseta og þingsköpum Alþingis virðingu og það gerði hvorki formaður Framsóknarflokksins né Eygló Haraldsdóttir þingmaður Framsóknarflokksins í gær.  Að öðru leyti get ég verið þér sammála.

[Halldór Björgvin Jóhannsson, 17.6.2009 kl. 17:32]

Þessi "gjörningur" hjá henni Ástu á bjöllunni minnir mann svolítið á þann barnalega leik að grípa utan um eyrun og góla lalalalalalala.

[Haraldur Huginn Guðmundsson, 18.6.2009 kl. 00:32]

þetta er aðferð samspillingarinnar til að hefta málfrelsi..