Heiðarleg barátta - gamall skotgrafahernaður

Mjög sérstakt hefur verið að fylgjast með umræðunni eftir Moggaviðtalið við Davíð Oddsson. Margir gagnrýna Davíð Oddsson á gömlum forsendum en vilja mun síður tala um helsta atriðið í viðtalinu; sjálft Icesave-málið. Gamalt og rótgróið hatur blindar sem fyrr dómgreind margra þegar kemur að þessu viðtali. Business as usual kannski, en hvað með það sumir vilja frekar fara í gamla áróðursgírinn í stað þess að tala heiðarlega um viðtalið.

Mér finnst það góða við þetta viðtal og afgerandi boðskapinn gegn Icesave-samkomulaginu að þar kemur maður sem við getum treyst á að sé fremst í víglínunni, tali kjark og kraft í þjóðina og tekur um leið slaginn við þá sem vilja fórna öllu fyrir auðveldu leiðina út úr vandanum; að binda landsmenn í skuldafangelsi og gangast undir skilyrði annarra. Stóri boðskapur viðtalsins við Davíð er einmitt að við eigum að berjast meðan stætt er.

Mér finnst alveg óþarfi að leyfa hælbítum að eiga síðasta orðið og horfa á Samfylkinguna semja allt frá okkur fyrir opnar dyr til Brussel. Mun heiðarlegra er að taka slaginn og berjast... frekar en gleypa sannfæringu sína og lífsskoðanir eins og Steingrímur Jóhann gerir. Hann hlýtur að hafa vonda samvisku sá maður.

En kannski eru stóru tíðindin einmitt þau að hann rogast um með byrði sem sligar hann fljótlega. Hverjum finnst Steingrímur tala af sannfæringu og skoðanaljóma þessa dagana?

Fréttaskýring: „Einhver barnaskapur sem nær bara engri átt“

Athugasemdir

[Eysteinn Þór Kristinsson, 6.7.2009 kl. 19:59]

Ég trúi því ekki Stefán að þú virkilega meinir það sem þú segir núna. Hvort ertu t.d. sammála Davíð þegar hann segir að það sé ríkisábyrgð á icesave eða þegar hann segir að svo sé ekki?  Hann er með þversagnir  miðað við það sem hann hefur sagt sjálfur áður og í viðtalinu og jafnvel skrifað undir! Allt gengur út á að hann beri enga ábyrgð! Ertu sammála því? Þetta viðtal er náttúrulega með ólíkindum. Samdi hann það sjálfur? Engar óþægilegar  spurningar! Enn og aftur sýnir Agnes hversu hlutdrægur blaðamaður hún er.

[Jón Árnason (IP-tala skráð) 6.7.2009 kl. 20:43]

"Gamalt og rótgróið hatur blindar sem fyrr dómgreind margra..."

Hvað með gamla, rótgróna og blinda ást..?  Höfðingjadýrkun kannski frekar.  Það þýðir lítið að reyna að rökræða við þá sem fylgja Foringjanum fram í rauðan (bláan?) dauðann...

[Sigurdur (IP-tala skráð) 7.7.2009 kl. 08:49]

Er eitthvað réttlæti í því að formaður Vinstri-grænna – í hlutverki fjármálaráðherra – skuli þurfa að hreinsa eftir þá skítinn eftir íhald og framsókn og taka út allar óvinsældirnar af skattahækkunum og niðurskurði velferðarþjónustunnar á sama tíma og forystumenn Sjalfstæðis- og Framsóknarflokks gera hróp að honum og berja sjálfum sér á brjóst í nafni þjóðrækni og föðurlandsástar.
Er þetta ekki kjarnir málsins??

[Pétur (IP-tala skráð) 7.7.2009 kl. 12:49]

Er ekki gagnrýni á DO ein birtingarmynd á kröfu fólks um að þeir sem bera ábyrgð á þeim vanda sem við eigum nú við að etja viðurkenni hana og verði látnir sæta ábyrgð á gerðum sínum? DO talar nú eins og hann hafi hvergi komið nálægt hruninu þótt hann hafi verið arkitekt þess kerfis sem hrundi (einkavæðing bankanna), hafi verið forsætisráðherra þegar eftirlitsreglur bankakerfisins voru samdar og innleiddar í íslensk lög, og hafi setið í stóli seðlabankastjóra -- sem gegndi eftirlitshlutverki í fjármálakerfi Íslands -- í aðdraganda hrunsins. DO hefur ekki sýnt neina iðrun og beitir afli sínu til þess að auka á ólgu í samfélaginu frekar en að stilla til friðar. Sá mikli meirihluti Íslendinga sem trúir ekki á DO stýrist ekki af hatri heldur eðlilegri kröfu um að gamlir stjórnmálamenn leiki eftir nýjum reglum.

[Ingolfur (IP-tala skráð) 7.7.2009 kl. 12:56]

Stefán ég hef nú hingað til borið sæmilega virðingu fyrir þér sem bloggara

en annan eins sleikjuskap hef ég aldrei orðið vitni af, þessi ást þín á öllum grimdarverkum Davíðs er ótrúlegt að verða vitni af.

 þetta er dæmi um helaþveginn mann, þú minnir mig á óharðnaðan ungling sem er svo heillaður af rokkstjörnu að hann er að míga á sig af hrifningu.

Farðu nú að skrifa  eins og maður, ég veit að þú getur það

mbkv

[Kjartan Magnússon, 7.7.2009 kl. 13:55]

Hrein snilld!!!!!!!!!!