Málningu slett hjá auðmönnum

Ekki fer á milli mála að útrásarvíkingarnir hafa breyst úr hálfguðum í hötuðustu menn samfélagsins á skömmum tíma. Ekki þarf að undrast reiði landsmanna. Mér finnst það samt einum of að sletta málningu á hús auðmannanna. Þeir eiga eftir að fá sína refsingu, sú hin mesta er reyndar sú að þeir eru í raun ærulausir hér heima á Íslandi. Þeir munu ekki geta látið sjá sig hér á meðan þrifin er upp óreiðan eftir þá.

Reiðin er mikil. Einhvern veginn verður hún að fá útrás. Þetta er ein leiðin, sú dapurlegasta að mínu mati. Miklu betra er að ráðast að þessum mönnum eða gagnrýna þá með skrifum og mætti málefnalegra skoðanaskipta heldur en með skemmdarverkum. Þeir hafa sjálfir unnið mikil skemmdarverk á samfélaginu og hafa misst bæði æruna og veldi sitt vegna eigin græðgi fyrst og fremst.

Málning á hús Bjarna Ármanns

Athugasemdir

[Anna Dóra Gunnarsdóttir, 17.7.2009 kl. 22:47]

Ég er alveg sammála þér, Stefán, hvað æru þessara glæpamanna varðar, hún er fokin út í hafsauga.  En mig svíður það samt ekkert þó einhverjir sletti málningu á hallirnar þeirra.  Ætli þeir hafi ekki efni á að láta mála hjá sér aftur.

[Pétur Henry Petersen, 18.7.2009 kl. 15:40]

Huxa að fólk treysti því ekki að þeir fái neina refsingu enda eru margir í löngum og nánum tengslum við hinn annars ágæta Sjálfstæðisflokk, hvers takmark er að komast sem fyrst aftur að kötlunum.