Eru bankarnir algjörlega úr tengslum við þjóðina?

Sé það rétt að Landsbankinn hafi afskrifað skuldir Magnúsar Kristinssonar, útgerðarmanns, sýnir það veruleikafirringu í bankakerfinu - hversu þeir eru úr tengslum við þjóðina. Þetta er besta leiðin til að kalla fram aðra byltingu í þessu samfélagi - hví ætti Jón og Gunna úti í bæ að sætta sig við að skuldir stóreignamanna séu felldar niður þegar þau eru bundin og kefluð í skuldafangelsi... þurfa að borga sínar skuldir hvað sem tautar og raular.  

Hvað segir vinstristjórnin um þetta verklag á þeirra vakt? Ætla þau að taka í taumana eða horfa á svona vinnubrögð í þeirra ábyrgð? Eðlilegt er að krefja þá svara sem komust til valda undir formerkjum þess að auka gegnsæi og heiðarleika í samfélaginu en hafa litlu afrekað annað en gleypa hugsjónir sínar á mettíma.

Gamli Landsbankinn afskrifar skuldir Magnúsar

Athugasemdir

[Haraldur Rafn Ingvason, 18.8.2009 kl. 12:41]

Kannski þú sláist bara í hóp "skrílsins" í næstu umferð...

[Marteinn Unnar Heiðarsson, 18.8.2009 kl. 12:51]

Hversvegna fá svona menn að ganga lausir ég spyr bara.Það er nýbúið að setja Motormax á hausinn og áður vara brunaútsala þar og hvert fóru peningarnir á þeirri útsölu (kannski á einkareikning Magnúsar ?) og svo annað hvert fóru umboðin svo?þó ekki í annað fyrirtæki sem Magnús á í ?og skuldirnar lenda svo okkur.Mmaður er orðin ansi reiður á þessu aðgerðaleysi þessarar van og óhæfu ríkisstjórn sem ætlar að láta heimilunum blæða fyrir þessa menn.Nú þarf alvöru byltingu og burt með þessa sukkstjórn sem stjórnar landinu í dag....

[Gísli (IP-tala skráð) 18.8.2009 kl. 12:53]

Af hverju talar þú bara um "vinstristjórnina" ? Það er vitað að Magnús er góður og gildur Sjálfstæðismaður eins og fleiri, m.a. þeir sem voru í þessari skilanefnd. Einhverja hluta vegna treystir þú þér ekki að nefna þessi atriði. Er þetta þá einhver smjörklípa hjá þér?  Hvers stingurðu ekki uppá því að spillingin verði endanlega gerð upp í Sjálfstæðisflokknum?

[ThoR-E, 18.8.2009 kl. 15:08]

Ef málið væri ekki svona alvarlegt að þá væri þetta fyndið.

Spilling í skilanefndunum ?? 

það er allavega eitthvað rotið þarna ... það er augljóst.