Óviðunandi hagsmunaárekstrar hjá Kaupþingi

Mér finnst það vægast sagt óviðunandi að sjá hagsmunaárekstra af því tagi sem tengjast Eik, þar sem forstjórinn er giftur konu sem situr í stjórn Nýja Kaupþings. Engu breytir hvort viðkomandi víkur sæti á fundum. Þetta er einfaldlega fjarri öllu því sem eðlilegt getur talist.

Lágmarkskrafa er að trúverðugleiki þeirra sem sitja í stjórnum bankaráða eða skilanefndunum séu hafnir yfir allan vafa um hagsmunaárekstra og hægt sé að treysta þeim fyrir verkefninu sem þeim er falið, sem er vægast sagt mikilvægt um þessar mundir.

Á þeim tímum þegar trúverðugleiki í bankakerfinu skiptir máli er óviðunandi að svona vafi sé uppi - taka þarf á svona málum.

Hitt er svo annað mál að þessar skilanefndir hafa verið umdeildar og eru eins og kóngur í ríki sínu.

Skuldar milljarða og eiginkona forstjórans í bankaráði

Athugasemdir

[Tómas (IP-tala skráð) 20.8.2009 kl. 16:10]

Stefán, ég hefði nú trúað því að þú myndir skoða málið án þess að gleypa fréttina hráa áður en þú færir að blogga um þetta.

Fasteignafélög í eðli sýnu skulda mikið af peningum. Venjulega frá 70-90% af markaðsvirði fasteignana sem þau eru að sýsla með. Eik sem skv. heimasíðu þeirra var metið á 20 milljarða um síðustu áramót, skuldar 15 milljarða, það er ekkert óeðlilegt.

Krafan sem þú ert að gera er sú að þeir sem að eru í stjórnum bankana eða hafa eitthvað með ákvarðanir að gera í bönkunum séu með maka sem sitji heima og geri ekki neitt.

[Hallgrímur Óli Helgason, 20.8.2009 kl. 16:43]

Mér finnst alltaf skrýtið þegar verið er að tala um að menn víki af fundi í hinum og þessum nefndum og ráðum meðan fjallað er um mál sem viðkemur þeim, eins og í þessu tilfelli, þegar Auður víkur af fundi meðan málefni manns hennar er til umfjöllunnar, er nokkur möguleiki á því að nefndarmenn munu segja, þegar Auður snýr aftur á fund, jæja Auður mín við settum  manninn þinn á hausinn, þetta er alveg orðið óþolandi ástand hvernig staðið er að ráðingu í hin og þessi störf  þar sem eru skyldfólk sitt hvoru megin við borðið, eða þá báðu meginn.