Ragnheiði Elínu aftur hent út af facebook

Ég sá það áðan að Ragnheiði Elínu Clausen hefur aftur verið hent út af facebook... hvort það er vegna þess að hún var klöguð eða fór yfir einhverja notendastaðla er erfitt að segja... ekki er það vegna þess að hún misnotar vefinn eða kemur á framfæri þar ómerkilegu efni. Notalegri facebook-vin er varla hægt að finna en Ragnheiði.

Mér finnst umgjörðin utan um facebook hafa verið að taka á sig leiðinlega mynd... hægt er að klaga notendur þar fyrir engar sakir og ef þeir nota vefinn of mikið er þeim refsað fyrir það. Hef heyrt dæmi um að lokað hafi verið á fólk þar án þess að hafa nokkuð af sér gert. Verst af öllu er að erfitt, eða nær ómögulegt, er fyrir notandann að hafa samband við vefinn og reyna að tala sínu máli hver sem ástæðan fyrir lokun er.

Eins og fram hefur komið er öll notkun á vefnum mæld... ef send eru of mörg skilaboð er lokað á þau, ef skrifuð eru of mörg komment er lokað fyrir það og ef facebook-spjallið er notað of mikið er lokað fyrir það. Í sumum tilfellum, oftast vegna klögunar, er svo lokað á fólk. Er virkilega einhver að klaga Ragnheiði eða hvað er málið?

Athugasemdir

[Ragnheiður Elín Clausen (IP-tala skráð) 21.8.2009 kl. 01:05]

Þetta er orðið afar skrítið.

Held að ég hafi ekki verið jafn virk undanfarna daga og ég hef stundum verið á Facebook. Ég sé ekki að ég noti þetta meira en margur annar. Það kann þó að hafa áhrif að í sumar hef ég átt við meiðsli að stríða og hafði því lítið annað en að gera en að vesenast á Facebook.

Í dag var ég að setja inn ljóð um hund Byrons lávarðar, annað eftir Tómas Guðmundsson og þriðja eftir stúlku sem orti um tíkina sína Hrímu. Síðan dáðist ég að Bolt og 200m hlaupinu og var allt í hent út án viðvörunar.

Fróðir menn segja mér að ég noti þetta á afar eðlilegan hátt og ég hallast að því sjálf. Skoðanalaus er ég ekki en hef einmitt tekið eftir því að erfiðara er að nota Facebook þegar pólitíkin kemur sterk inn hjá mér.

Þetta getur ekki átt að vera svona sérstaklega ef maður er kurteis. Ég sætti mig ekki við svona batterí eins og ég kalla Facebook.

Takk fyrir að vera svo elskulegur að minnast á þetta :)

Bestu kveðjur

Ragnheiður

[Nikulas (IP-tala skráð) 21.8.2009 kl. 09:44]

Af hverju notar hún ekki "Twitter" hinn nýja keppinaut Facebook. Facebokk er hrædd við þennan nýja keppinaut og hefur nú sent út "Facebook light". Kannski getur hún komizt .ar inn.

N