Heimt úr helju eftir vítisvist í átján ár

Meðferðin á bandarísku stelpunni sem losnaði úr átján ára prísund minnir óhugnanlega á Fritzl-málið ógeðfellda í Austurríki. Þetta er álíka sálarmorð og eyðilegging á saklausri sál... farið með hana og börnin sem hún eignaðist í prísundinni eins og hunda í bakgarði. Óhugnanleg lýsing... en ánægjulegt að henni hafi tekist að komast úr vistinni.... sem hljómar eins og helvíti á jörðu.

Vekur svo sannarlega athygli kastljóss fjölmiðla þegar að fólk er heimt úr helju eftir áralanga vist sem fangi einhvers - skelfilegt að svona geti gerst, einkum er um er að ræða börn sem eru í haldi vitfirrtra manna. Alveg ótrúlegt til þess að hugsa að engin viðvörunarljós hafi kviknað í nágrenninu rétt eins og í austurríska málinu.

Þetta er eitt af þessum óhugnanlegu málum, sannkölluð hryllingssaga. Væntanlega munu fjölmiðlar fylgjast jafnvel með Jaycee Dugard og þeim Elísabetu Fritzl og Natöschu Kampusch áður... báðar urðu heimsfrægar fyrir að segja sögu sína úr vítisvistinni.

Átti 2 börn með ræningjanum

Athugasemdir

[Kjartan (IP-tala skráð) 28.8.2009 kl. 08:32]

Sæll Stefán.

Ég tel mjög líklegt að þetta sé heimsfræðg sem flestir vildu vera lausir við. En það er dapurlegt að hugsa til þess hve mikil skepna mannskepnan er. Fáar aðrar dýrategundir sína annann eins skepnuskap.