Nær Eimskip að verða hundrað ára?

Eitt af því allra ömurlegasta í sukkaðri hringrás viðskiptalífsins var hvernig rótgróin traust fyrirtæki voru sogin inn að merg uns nær ekkert var eftir nema nafnið eitt. Gott dæmi um þetta er Eimskip sem hefur riðað til falls síðustu mánuði eftir ævintýralega atburðarás í útrásarvitleysunni, skýjaborginni miklu sem var algjörlega innistæðulaust.

Eimskip var forðum daga fornt veldi í íslenskri viðskiptasögu - Björgólfsfeðgar "keyptu" fyrirtækið fyrir sex árum í ævintýralegum viðskiptum. Allir vita hvað hefur gerst síðan. Sú saga er vel þekkt og óþarfi að rekja það. En flestir vita þó að viðskiptahættir í Eimskipum og fleiri traustum fyrirtækjum hafa gert að verkum að reynt er að stofna nýjar kennitölur til að halda áfram.

Þegar Eimskip var stofnað árið 1914 var það kallað óskabarn þjóðarinnar. Mikill ævintýraljómi hefur verið yfir velgengni þess - merkileg saga er að baki. Hverjum hefði dottið í hug þegar Hörður Sigurgestsson lét af forstjórastarfi í Eimskip fyrir tæpum áratug að árið 2009 yrði jafnvel ævintýrið mikla úti. Hörður skilaði mjög góðu búi þegar hann lét af störfum.

Ljóst er að margt hefur farið á verri veg og öllu hefur verið sólundað í tóma vitleysu. Strandar óskabarn þjóðarinnar á tíunda áratug starfsaldarinnar eða nær það að halda upp á aldarafmælið árið 2014? Mun kennitöluflakkið kannski halda óskabarninu ungu og fersku til ársins 2014?

Nafni Eimskips verði breytt í A1988

Athugasemdir

[Sigvaldi Eggertsson (IP-tala skráð) 1.9.2009 kl. 12:39]

Fyrirsögnin er náttúrulega villandi, það er ekki nafn Eimskips sem á að breyta í A1988 heldur er það nafn Hf Eimskipafélags Íslands sem á að breytast.

Eimskip (Eimskip Ísland ehf) heldur nafninu áfram en A1988 týnist í gjaldþroti.

[Friðrik Þór Guðmundsson, 1.9.2009 kl. 13:10]

 Stefán. Gamla Eimskip er löngu dautt fyrirbæri. Núverandi félag, sem ber Eimskipafélagsnafnið, er leifar af einhverju sem einu sinni var Atlanta. A1988 er væntanlega tenging til Atlanta og stofnárið 1988.

Þú verður að átta þig á því tryggilega að hér er ekki á ferðinni gamla "óskabarnið", sem gengið var frá og lagt niður fyrir árabili síðan.

Hér er á ferðinni Flugfélagið Atlanta, stofnað við eldhúsborðið hjá Arngrími og þáverandi frú Þóru í febrúar árið 1988.

[Stefán Friðrik Stefánsson, 2.9.2009 kl. 12:08]

Auðvitað veit ég það að gömlu merkin og gömlu kennitölurnar eru löngu horfnar. Það kemur fram í pistlinum þegar ég tala um kennitöluflakk. Hélt að Friðrik og aðrir hér myndu nú átta sig á því. Gamla sagan er löngu gufuð upp í kennitöluflakki.

En Eimskip er samt hið gamla óskabarn þjóðarinnar... svo lengi sem nafnið Eimskip er til lifir óskabarnið, með eða án kennitöluflakks.

[Predikarinn - Cacoethes scribendi , 2.9.2009 kl. 14:58]

Komið sæl.

Eimskip, þ.e.a.s. óskabarn þjóðarinnar svonerfnda, getur aldrei orðið 100 ára þar sem það var lagt niður. 

Björgólfur lagði niður óskabarn þjóðarinnar með formlegum hætti á sínum tíma, þ.e.a.s. það félag sem var stofnað 1914. Eigur þess runnu síðan ínn í annað eins og finna má í fyritækjaskránni hjá RSK. Þannig er þetta ekki óskabarn þjóðarinnar svonefnt. Þetta er hann sagður hafa gert í hefndarskyni vegna Hafskipamálsins hans þar sem hann var sakfelldur fyrir ýmis lögbrot, en kenndi Eimskip um síðar.

660288-1049	Hlutafélagið Eimskipafélag Íslands Avion Group hf, Flugfélagið Atlanta hf, Flugfélagið Atlanta ehf
Rek.árNafnSkiladagsetningNr. ársreiknings 2008 Hlutafélagið Eimskipafélag Íslands Ársreikningi ekki skilað 2007 Hlutafélagið Eimskipafélag Íslands 9. apríl 2008 73421 SR 2006 Hlutafélagið Eimskipafélag Íslands 12. febrúar 2008 87220 AR 2005 Avion Group hf 14. febrúar 2007 94958 AR 2004 Avion Group hf 2. febrúar 2006 98057 SR 2003 Avion Group hf 1. nóvember 2004 140365 AR 2002 Flugfélagið Atlanta hf 17. nóvember 2003 811451   2001 Flugfélagið Atlanta hf 21. nóvember 2002 710286   2000 Flugfélagið Atlanta hf 23. nóvember 2001 607318   1999 Flugfélagið Atlanta ehf 27. nóvember 2000 507634   1998 Flugfélagið Atlanta ehf 22. desember 1999 408390   1997 Flugfélagið Atlanta ehf 9. desember 1998 306217   1996 Flugfélagið Atlanta ehf 16. október 1997 204895   1995 Flugfélagið Atlanta hf 16. október 1997 105366