Ólafur Ragnar mun ekki stöðva Icesave

Hreinir draumórar eru að búast við því að Ólafur Ragnar Grímsson muni synja staðfestingu lagafrumvarpi um ríkisábyrgð vegna Icesave. Hann mun aldrei setja vinstristjórn leidda af Samfylkingunni út af sporinu með því að hafna svo mikilvægu máli, enda vita allir að þjóðin mun aldrei samþykkja þennan samning í þjóðaratkvæðagreiðslu. Hann myndi þá aðeins segja af sér ef hann synjaði þeim. Það er ekki að fara að gerast.

Ólafur Ragnar er svo tryggur Samfylkingunni, eins og sást af aumri framgöngu hans við stjórnarslitin í janúar, að hann mun ekki taka þessa vinstristjórn úr öndunarvélinni. Forðum daga sagði þó þessi forseti að gjá hefði myndast milli þings og þjóðar um fjölmiðlamálið. Hvað ætli hann segi til að reyna að friða þjóðina þegar hann hleypir þessum díl í gegn?

Þessi forseti er sá lélegasti í lýðveldissögunni, verður minnst fyrir dekur sitt við auðmenn og hafa verið klappstýra útrásarvíkinganna og skjalldúkka þeirra. Hann mun ekki setja þetta mál í uppnám. Örlög þessa máls réðust í þinginu. Nú er boltinn hjá Bretum og Hollendingum - munu þeir taka þessu gagntilboði eða halda áfram að búllíast á Íslendingum?

Meirihluti á móti ríkisábyrgð

Athugasemdir

[Helga Kristjánsdóttir, 2.9.2009 kl. 04:26]

  Hann veit  hvað þjóðinni er fyrir bestu. Æ, þetta segi ég þegar vonin ein er eftir.