Mun Jóhanna ekki birta tölvupóstinn til Noregs?

Þá er norska nei-ið staðreynd. Þetta var svosem orðið augljóst, enda hafði Kristin Halvorsen ekkert gert fyrir Steingrím J. né höfðu norskir kratar viljað leggja okkur lið. Mér finnst eðlilegt að Jóhanna Sigurðardóttir, forsætisráðherra, birti samt tölvupóstinn sem hún sendi til flokksbróður síns í Noregi, Jens Stoltenberg.

Hvernig er svona orðað.... hvernig bar Jóhanna erindið upp og hvernig var svar forsætisráðherrans. Ágætt fyrir okkur að sjá orðalagið... sérstaklega hvernig erindið var borið upp... enda ekkert smámál.

Hvernig er það annars... er þetta ekki í fyrsta skipti sem sagt er frá því í fjölmiðlum að íslenski forsætisráðherrann hafi haft bein samskipti við aðra en ráðherra sína og starfsmenn ráðuneytisins?

Hærra lán ekki í boði

Athugasemdir

[Sigurður Þórðarson, 10.10.2009 kl. 02:11]

Hafa ekki norskir ráðamenn kvartað undan því að Íslendingar hafi ekki beðið um aðstoð?

[Gunnar Th. Gunnarsson, 10.10.2009 kl. 04:18]

Jóhanna er að "snappa". Sumir segja að vika sé langur tími í pólitík.... en geri aðrir betur en hún á einni viku. Fyrst rekur hún eina sjálfstætt hugsandi ráðherrann úr ríkisstjórn, svo lekur hún seðlabankaplagginu og nú tölvupósturinn.

Gat hún ekki sótt um ESB-aðild með SMS?

[Ómar Ragnarsson, 10.10.2009 kl. 13:12]

Ég sé að í viðtali við Jóhönnu segist hún birta öll þau gögn, tölvupósta og annað, sem snerti þetta mál.