Kemst forsetinn upp með að leyna bréfunum?

Eðlilegt er að spyrja hvort Ólafur Ragnar Grímsson komist upp með að leyna í þrjá áratugi bréfunum sem hann skrifaði til að tala máli útrásarvíkinganna. Ætlar Jóhanna Sigurðardóttir, forsætisráðherra, að skrifa upp á þessa leynd? Ef þessi þriggja áratuga leynd verður staðreynd er það leynd skrifuð upp á af ríkisstjórninni ekki síður en forsetaembættinu.

Raunalegt er að sjá bréfaskrif forsetaembættisins til Fréttablaðsins í dag, þegar blaðið reynir að fá bréfin til birtingar. Það er mjög dapurlegt að sjá forsetaembættið, sem forðum var táknmynd virðingar og var sameiningartákn þjóðarinnar, á kafi í slíku máli, að reyna að leyna óþægilegum bréfaskriftum forsetans fyrir auðmenn.

Illa er komið fyrir þessu embætti, enda er það rúið trausti og engum dettur í hug að nefna íslenska forsetaembættið eitthvað sameiningartákn hérlendis. Eitt prósent sagði það þó í nýlegri könnun. Þessi forseti er rúinn trausti og reyndar er það rannsóknarefni að hann skuli reyna að sitja áfram eins og komið er málum.

Rætt við yfir 300 manns

Athugasemdir

[Svavar Bjarnason (IP-tala skráð) 14.10.2009 kl. 16:22]

Nú gilda reglur um obinberun bréfaskipta í stjórnsýslunni.

Ert þú fylgjandi því að öll bréfaskipti allra okkar forseta og forsætisráðherra frá stofnun lýðveldisins, verði opinberuð, eða á bara að opinbera bréfaskipti núverandi forseta?

[Heimir Lárusson Fjeldsted, 14.10.2009 kl. 16:27]

Forsetinn verður sér til æ meiri háðungar. Fróðlegt verður að fylgjast með hvort Vinstri stjórnin leggur blessun sína yfir gerræðið. Ekkert opinberað. Allt undir borðinu.

[GÞO, 14.10.2009 kl. 16:51]

Allt stjórnkerfið og því sem filgir er rúið mínu trausti, það er enþá mikil spilling í öllu þessu batteríi. En hvað getur hinn almenni borgari gert? Borosað og borgað brúsan? Eða spyrnt á móti? Er það lausninn. (hver veit ekki ég).

[Eiður Svanberg Guðnason, 14.10.2009 kl. 22:29]

Sennilega. Því miður.