Rimma Magna við kjaftasögurnar

Ekki er maður hissa á því að Magni sé orðinn þreyttur á kjaftasögunum. Það er eflaust erfiðara en nokkuð annað en að verða að sætta sig við vont eða rangt umtal bara vegna þess að maður sé frægur, en svo er nú oft staðan. Frægðin getur verið ágæt sínar fimmtán mínútur, eins og sagt er, en síðan getur oft versnað yfir stöðunn.

Skrautlegt spjallsvæðið á Barnalandi er eflaust eitthvað sem flestir hafa skoðun á, sérstaklega núna þessa dagana vegna þessa máls. Ég skrifaði smá um það hérna í gær. Fékk ég eftir það góð komment og svo tölvupósta þar sem margir er lesa þar og skrifa daglega sögðu sínar skoðanir, bæði blótuðu spjallsvæðinu og lofuðu það. Merkilegt mál. Sitt sýnist hverjum yfir þetta spjallsvæði.

Öld kjaftasagnanna hefur lengi verið við lýði hér á Íslandi. Það er ekkert nýtt. Annars er það kostulegt oft hvað saga getur breyst í meðförum fólks, margfaldast og orðið önnur meiri. Gróa lifir víst enn góðu lífi.

Magni býr sig undir langt tónleikaferðalag um Bandaríkin

Athugasemdir

[Stefán Friðrik Stefánsson, 9.1.2007 kl. 13:42]

Mér er alveg sama ef einhver er ósáttur við skrifin hér um þennan spjallvef. Hér segi ég mínar skoðanir. Ég nenni ekki að lesa allt á þessum vef, umfram það sem ég skoðaði er ég leit þar í gærmorgun og það nægði mér alveg. Þessi spjallvefur er lítilfjörlegur vettvangur finnst mér.

[halkatla, 9.1.2007 kl. 13:48]

úff, varstu að meina barnalandspjallið um daginn.... já það er hræðilegur staður, ég frétti bara af því sem gerist þar frá vinkonu og hún les bara og hlær, þetta er víst alveg kolbilað lið og það sem það lætur útúr sér er EINSKIS VIRÐI. Það er ágætt að leyfa Gróu að lifa í svona afkima netsins, einsog barnalandsspjallið er. Ég er reyndar að berjast við freistinguna núna um að fara og kíkja, samt langar mig meira til þess að sjá ekkert slúður um Magnamálið. Ég er niðurbrotin útaf því, en það kemur mér ekkert við.