Viðtal og mætur bloggvinur

Var að koma úr viðtali hjá Birni Þorlákssyni áðan, en hann vildi ræða við mig um bloggskrifin mín. Notalegt og gott spjall að mínu mati. Það er alltaf svosem um nóg að tala. Veit ekkert hvernig að þeir ætla að nota þetta, en þeir sjá bæði bæjarstöðinni sem og Stöð 2 fyrir fréttum. Það er búið að vera sviptingasamt rok hér á Akureyri og það var eiginlega hressandi að rabba við Björn í ferskum vindgusti niðrí Grundargötu áðan.

En að öðru; alltaf fjölgar í góðum hópi bloggvina. Nú er vinkona mín, Ólöf Nordal, verðandi alþingismaður Sjálfstæðisflokksins hér í Norðausturkjördæmi, farin að blogga hér í vefsamfélaginu okkar og er auðvitað í hópi bloggvina, meira að segja í eðaldeildinni þar. Hvet alla til að líta í heimsókn á vefinn hennar.

Athugasemdir

[Heimir Lárusson Fjeldsted, 25.1.2007 kl. 14:03]

Þú ert ötull Stefán.

[Rúnar Haukur Ingimarsson, 25.1.2007 kl. 14:39]

Jamm alltaf gott veður á Akureyri

[Júlíus Garðar Júlíusson, 25.1.2007 kl. 14:43]

Alltaf getur maður glaðst..er ég þá í eðaldeildinni...ég sá bara að ég er undir bloggvinum eins og Ólöf

[Stefán Friðrik Stefánsson, 25.1.2007 kl. 14:45]

Bloggvinirnir eru eðaldeildin, það blogg sem maður fylgist best með á netrúntinum. :)

mbk.