Femínistarnir varla ánægðir með Clooney

Leikarinn George Clooney hefur aldrei verið feiminn við að stuða allhressilega. Það má fullyrða að hann hafi allavega ekki heillað femínista upp úr skónum með þessum ummælum sínum að hann vilji ættleiða unga, ríka og fallega konu. Svo er greinilegt að hann ætlar ekki beint að hugsa um heilsuna mikið meira. George Clooney hefur verið hjartaknúsari kvikmyndaheimsins í áraraðir og heillaði fyrst konur heimsins með leik sínum í Bráðavaktinni, ER.

Hann hefur verið farsæll leikari og síðustu árin ennfremur sýnt snilldartakta sem leikstjóri. Í dag er liðið ár síðan að Clooney hlaut óskarinn fyrir túlkun sína á CIA-leyniþjónustumanninum Bob Barnes í pólitísku fléttumyndinni Syriana. Þar fór hann algjörlega á kostum. Við sömu athöfn var hann tilnefndur fyrir leikstjórn í Good Night, and Good Luck, en tapaði fyrir Ang Lee sem hlaut verðlaunin fyrir Brokeback Mountain.

Clooney verður varla eftirlæti femínistanna eftir þetta.... eða hvað.

Clooney hefur áhuga á því að ættleiða unga og fagra konu

Athugasemdir

[Guðríður Hrefna Haraldsdóttir, 5.3.2007 kl. 22:33]

Karlkvölin var að djóka ... ég tel mig vera femínista og fannst þetta bara fyndið!

[Steini Briem (IP-tala skráð) 5.3.2007 kl. 23:14]

Goggi klónaði hefur nú alveg efni á að ættleiða gamla, ljóta og fátæka konu. Ættu femínistar að vera á móti því?

[Guðríður Hrefna Haraldsdóttir, 5.3.2007 kl. 23:18]

Hann hefur frjálsan vilja ...

[Stefán Friðrik Stefánsson, 5.3.2007 kl. 23:26]

Já það er alveg rétt Gurrí og Kolbrún. Þetta var djók og skrifin mín voru líka svolítill húmor líka. :)

mbk.

[Steini Briem (IP-tala skráð) 5.3.2007 kl. 23:26]

Fröken Guðríður veit greinilega meira en við hin og getur kannski sannað það með minjagrip.

[Jenný Anna Baldursdóttir, 5.3.2007 kl. 23:34]

Sem feminista er mér ekki misboðið heldur.  Karlinn er með húmor, það er fínt.  Þú líka Stefán

[Guðríður Hrefna Haraldsdóttir, 6.3.2007 kl. 00:38]

Heheheh, ég lofaði Clooney að gefa ekkert upp um samfundi okkar! Það fer allt í heimspressuna sko!

[Steini Briem (IP-tala skráð) 6.3.2007 kl. 01:21]

Það er of seint, fröken Guðríður. Þetta er komið í Bæjarpóstinn á Dalvík.


Gurrí brennur enn í muna
meir en nokkurn skyldi gruna
er Goggi gaf henni undir fótinn.
Fyrir sunnan Fríkirkjuna
fóru þau á stefnumótin.

[Ester Júlía, 6.3.2007 kl. 07:55]

Hann er bara þrælskemmtilegur karlinn - meinfyndinn

[grímnir (IP-tala skráð) 6.3.2007 kl. 08:27]

Við Maleistar (þögull meirihluti) erum hæstánægðir.

[ex354 (IP-tala skráð) 6.3.2007 kl. 09:54]

Húmorinn í þessu er náttúrulega sá að kall kvölin þarf núorðið að ættleiða unga dömu því engin þeirra hefur sjálfviljug áhuga á ræflinum. Enda orðinn svolítið þreyttur.