Sr. Pétur Þórarinsson kvaddur

Sr. Pétur Þórarinsson, sóknarprestur og prófastur í Laufási, var jarðsunginn frá Akureyrarkirkju nú eftir hádegið. Hann lést þann 1. mars sl, 55 ára að aldri. Þetta hlýtur að teljast fjölmennasta jarðarförin frá Akureyrarkirkju, eða ég get eiginlega ekki ímyndað mér annað. Séra Pétur átti marga vini og kunningja og segir fjöldinn við jarðarförina sína sögu vel.

Sr. Pétur hefur verið sóknarprestur hér á svæðinu í rúma þrjá áratugi. Hann var prestur á Hálsi í Fnjóskadal 1976-1982, á Möðruvöllum í Hörgárdal 1982-1989 og í Glerárkirkju hér á Akureyri 1989-1991. Hann var prestur að Laufási frá 1991.

Ég skrifaði pistil um sr. Pétur Þórarinsson hér á vefinn þann 2. mars sl. og bendi á þau skrif hérmeð.

Ég votta fjölskyldu Péturs samúð vegna andláts hans.

Í bljúgri bæn og þökk til þín,
sem þekkir mig og verkin mín.
Ég leita þín, Guð leiddu mig
og lýstu mér um ævistig.

Ég reika oft á rangri leið,
sú rétta virðist aldrei greið.
Ég geri margt, sem miður fer,
og man svo sjaldan eftir þér.

Sú ein er bæn í brjósti mér,
ég betur kunni þjóna þér,
því veit mér feta veginn þinn,
að verðir þú æ Drottinn minn.

Pétur Þórarinsson
1951-2007

Mikill mannfjöldi við útför séra Péturs

Athugasemdir

[Kolbrún Baldursdóttir, 9.3.2007 kl. 20:28]

Góður drengur farinn langt um aldur fram. Blessuð sé minning hans.

[Anna Benkovic Mikaelsdóttir, 9.3.2007 kl. 23:16]

Samúðarkveðja!

[Adda bloggar, 9.3.2007 kl. 23:30]

hafðu það sem best um helgina

[Guðrún María Óskarsdóttir., 10.3.2007 kl. 02:12]

Blessuð sé minning þessa góða manns sem gaf svo mjög af sér til handa sínu samfélagi.

kv.gmaria.

[Stefán Þór Helgason, 10.3.2007 kl. 15:24]

Það er alltaf áfall fyrir samfélög þegar máttarstólpar þeirra falla frá. Ég votta Akureyringum og nærsveitamönnum mína innilegustu samúð vegna fráfalls Sr. Péturs.

[Stefán Friðrik Stefánsson, 10.3.2007 kl. 18:00]

Takk kærlega fyrir góð komment.

mbk.