Undurfögur skýjahöll

Ein mynd getur sagt meira en mörg orð í sjálfu sér - verið sjálfstæð frásögn með frétt. Enda er fréttaumfjöllun litlaus án mynda, blöðin væru þurr og slöpp án mynda og svipmikil fréttamynd í sjónvarpi af tímamótaviðburði gæti orðið eftirminnilegri en löng frásögn fréttamanns.

Sjálfur hef ég mjög gaman af myndum. Set oftast myndir með skrifunum hér, oft myndir sem segja stundum ekki síður meira en frásögnin. Það eru oft myndir sem vekja athygli lesandans áður en hann les skrifin. Þannig á það nefnilega að vera að mínu mati. Sterk mynd skiptir jú alltaf máli.

Þessi fréttamynd af skýjahöllinni í Vík í Mýrdal er virkilega falleg. Hún fangar athyglina allavega um leið, flott sjónarhorn og fullkomin veðurmynd. Enda ekki furða að hún væri verðlaunuð. Veðurmyndirnar eru ansi margar fallegar og það eru margir áhugaljósmyndararnir sem festa eftirminnileg augnablik í náttúrunni, augnablik veðurfarsins, á filmu. Það sást vel í ljósmyndasamkeppni Stöðvar 2 t.d. á síðasta ári.

Skýjahöll yfir Vík í Mýrdal valin mynd ársins

Athugasemdir

[Ester Sveinbjarnardóttir, 25.3.2007 kl. 07:49]

Það hefur löngum verið fallegt í Mýrdalnum.

[Stefán Friðrik Stefánsson, 25.3.2007 kl. 08:10]

Já, það er sko heldur betur fallegt þar.

mbk.

[Ásdís Sigurðardóttir, 25.3.2007 kl. 12:56]

Setti þessa mynd á síðuna mína líka hehe, við höfum auga fyrir flottum hlutum

[Hallgrímur Egilsson, 25.3.2007 kl. 13:55]

Ein spurning til ykkar, Stefán og Ásdís, sem settuð þessa mynd á bloggið ykkar... Greidduð þið höfundarréttarlaun af birtingunni? Eða fenguð þið leyfi myndhöfundar?

http://www.myndstef.is/isl/gskra/11.html

[Steini Briem (IP-tala skráð) 25.3.2007 kl. 14:07]

Já, færslurnar þínar eru flott uppsettar, vel skrifaðar og fallega myndskreyttar, Stebbi minn. Eru þetta ekki bara Græningjarnir, allir litlu kallarnir, mættir utan úr geimnum?! Blink blink!  

[Ásdís Sigurðardóttir, 25.3.2007 kl. 17:29]

Svar til Hallgríms. Nei ég bað ekki um leyfi, en þar sem myndin var á fréttasíðu, taldi ég að frekari dreyfing hennar væri ekki bönnuð, ef svo er verð ég að athuga minn gang. takk fyrir ábendinguna