Brandari Keiths stuðar og vekur athygli

Keith Richards hefur lifað hátt í gegnum lífið. Hann hefur líka verið ófeiminn að stuða allhressilega. Saga hans um að hann hafi sniffað öskuna af föður sínum hefur í senn vakið heimsathygli og stuðað mjög. Hann hefur nú dregið í land í gegnum blaðafulltrúa og sagt að þetta hafi aðeins verið grín. Það verður víst seint fengið í ljós hvort sé um að ræða.

Karakter Keiths er eins og flestir vita fyrirmynd leikarans Johnny Depp við persónusköpun sjóræningjans sífulla Jack Sparrow í kvikmyndabálknum Pirates of the Caribbean. Hann verður seint sagður hafa verið fyrirmynd hóflegs lífsstíls og hreinlegs lifnaðar. Keith er og verður alla tíð þekktur sem hinn útlifaði snillingur í Rolling Stones. Kannski misskilinn snillingur, hver veit.

Hvort sem hann sniffaði pabba gamla eður ei mun umtalið vart minnka við þá sögusögn og varla verða svosem meira krassandi við það. Hann hefur fyrir löngu náð þeim hápunkti sem því fylgir að ná hápunktinum í ólifnaði og tónlistarsköpun.

Tók föður sinn í nefið

Athugasemdir

[Steini Briem (IP-tala skráð) 4.4.2007 kl. 20:26]

Situr Keith í sýrubaði,
slarfar í sig skítataði,
ekki þykir skúmnum skaði,
að skófla í sig pabbalaði.

[kamillute (IP-tala skráð) 4.4.2007 kl. 21:19]

Góður hjá þér Steini, pabbalaði, haha.  Annars lítur manngarmurinn út eins og múmía, lifandi dauður sýnist mér. Sem meðlimur heilbrigðisstéttar væri ég ekki undrandi á því þó hann væri með lifrarbilun, sjáið bara gula litarháttinn á honum. 'uff, what a waste of life