Tengdadóttir Jónínu fékk ríkisborgarétt á 10 dögum

Fram kom í kvöldfréttum Ríkissjónvarpsins að 10 dagar liðu frá því að tengdadóttir Jónínu Bjartmarz, umhverfisráðherra, sótti um ríkisborgararétt þar til að lög þess efnis voru sett á Alþingi Íslendinga. Fram kom í fréttunum að meðalafgreiðslutími umsókna um ríkisborgararétt sé hinsvegar 5 til 12 mánuðir. Fjallað verður nánar um málið í Kastljósi nú eftir kl. 20:00.

Það er greinilegt að þau hjá Sjónvarpinu hafa nóg af gögnum í málinu, þvert á það sem sagt var fyrir helgina eftir umfjöllun Kastljóss á fimmtudag og föstudag. Það blasir við. Ég veit ekki hvað skal segja um þetta mál. Mér finnst þetta þó mjög vont allt saman. Þessar upplýsingar um að þessi afgreiðsla hafi runnið í gegn á tíu sólarhringum þykir mér vera alveg fyrir neðan allar hellur satt best að segja.

Þetta mál allt heldur áfram að hlaða utan á sig. Það verður fróðlegt að sjá hvað gerist næst, en það er allavega ljóst af gögnum að pottur er brotinn í þessu máli. Þetta verklag þykir mér vera fyrir neðan allar hellur og það þarf að stokka stöðu vinnuferla algjörlega upp að mínu mati.

Athugasemdir

[Kristján Pétursson, 2.5.2007 kl. 21:20]

Það er rétt hjá þér Stefán afgreiðsla þessa máls var fyrir neðan allar hellur.Allir sjá,að Allsherjarnefnd afgreiddi þetta mál ekki í neinu samræmi við lög þar að lútandi og létu tengdadóttur Jónínu fá ríkisborgararétt , án þess að neinar haldbæar ástæður væru til undanþágu í umsókninni.Verst af öllu er þó,að allir sem að þessu máli komu virðast segja ósatt.Hér er því augljós brotavilji,sem verður að upplýsa og láta viðkomandi standa ábyrgð gjörða sinna.

[Þarfagreinir, 2.5.2007 kl. 21:23]

Alveg er ég sammála þessu. Vonandi fara einhverjir í áhrifastöðum að taka undir þessi sjónarmið, að nauðsynlegt er að stokka allt heila klabbið upp. Þar dugir ekkert hálfkák.

[Jón Ingi Cæsarsson, 2.5.2007 kl. 21:24]

Vesalings Bjarni....stamandi og rennsveittur reyndi hann að verja spilltan fyrirgreiðslugjörning og tókst það illa

[Salvör Kristjana Gissurardóttir, 2.5.2007 kl. 23:00]

þetta er mjög vont mál fyrir Bjarna Benediktsson, það verður nú að segjast eins og er þá ber hann mesta ábyrgð, stýrði hann ekki þessari undirnefnd? Hin tvö Guðjón Ólafur og Guðrún Ögmunds eru líka í vondum málum. Ég ætla bara rétt að vona að þetta séu ekki algeng vinnubrögð á hinu háa Alþingi.

[Finnur, 2.5.2007 kl. 23:48]

Hvernig væri nú að fólk hætti að grafa sig neðar í skítinn og viðurkenna hvernig þessi umsókn var raunverulega sammþykkt.

S.s. ef fólk kemur til Íslands í skóla og ákveður svo að fara í skóla í öðru landi en vil vinna á Íslandi á sumrin þá fær það ríkisborgararétt til að geta ferðast á milli...

Svo eru reglur um að fólk sem giftir sig yngra en 22 ára (eða þar um bil) fær ekki ríkisborgararétt og fólki er stundum vísað úr landi þó þau eigi börn hérna. Einhversstaðar er pottur brotinn.

Hverjar ætli líkurnar séu á að einhver sjái sóma sinn í að koma fram og segja afsér fyrir spillingu. Allstaðar í Evrópu (og víðar) væru Jónína og Bjarni búin að segja af sér.

[Sigurður Viktor Úlfarsson, 3.5.2007 kl. 01:09]

Þetta mál er stærsta ekki-frétt sem sjónvarpið hefur fjallið um lengi.  Að vera að eyða tíma í þessa vitleysu núna rétt fyrir kosningar þegar fréttastofan ætti að vera að aðstoða kjósendur að kjósa, fara yfir alvöru málefni og stjórna rökræðum .

Mér fannst Bjarni standa sig ágætlega.  Lét Jóhönnu ekki draga sig út í skítinn, þ.e. út fyrir þann ramma sem lög leyfa honum að tjá sig og sagði það sem segja þarf.  Bjarni sagði að þessi mál væru tekin fyrir tvisvar á ári.  Á heimasíðu ráðuneytisins segir að þessi mál geti tekið allt að 5 til 12 mánuðum.  Það er væntanlega vegna þess að "næsta" afgreiðsla á þessu væri eftir max 5-6 mánuði og þar næsta eftir 12 mánuði þegar mál eru sérstaklega snúin, vantar gögn o.s.frv.

Þarna hefur þetta erindi komið inn á borð viðkomandi aðila í ráðuneytinu rétt í þann mund sem verið var að sópa upp bunkanum sem lá fyrir í ráðuneytinu og átti að samþykkja með næsta skammti á Alþingi í vikunni á eftir.  Þeim umsóknum sem lágu fyrir hefur verið rennt í gegnum ferlið og nefndin síðan tekið afstöðu til þeirra.  Ef stelpan hefði sótt um þremur mánuðum fyrr hefði þetta tekið hana þrjá mánuði og tíu daga þar sem einungis er farið yfir þetta á sex mánaða fresti og hún því lent í sömu afgreiðslunni.

Síðan endaði Þórhallur á að tilkynna að það væri búið að ná í frekari gögn í málinu.  Í guðs bænum finnið nú einhverja betri frétt - það er algjörlega búið að mergsjúga þessa.