Þjóðin kynnist Luciu - tengdadóttirin segir sína sögu

Lucia Celeste Molina Sierra, tengdadóttir Jónínu Bjartmarz, sagði sögu sína á Stöð 2 í kvöld. Þar kynntist þjóðin loksins henni, en segja má að Lucia hafi undanfarna daga verið ein mest umtalaða kona landsins. Mál hennar í tengslum við að hún fékk ríkisborgararétt hefur vakið mjög mikla athygli.

Hún hefur dregist inn í flókið pólitískt mál á lokaspretti kosningabaráttunnar og eflaust fengið stærri sess í huga landsmanna en hún vildi með umsókninni. Það er enginn vafi á því að Lucia er klár og glæsileg kona, hún kom glæsilega fram í kvöld.

Þetta er auðvitað mjög vandræðalegt mál í alla staði, bæði fyrir Luciu og ráðherrann, tengdamóðurina, og eiginlega fjölskyldu hennar alla í raun. Hinsvegar verður fróðlegt að sjá hvort að einhverjir verði eftirmálar þess. Skotin ganga á milli ráðherrans og dægurmálaþáttarins Kastljóss og enginn vill gefa eftir þannig séð, enda eiga báðir aðilar heiður að verja.

En það er svo sannarlega ljóst að fáir nýjir íslenskir ríkisborgarar hafa fengið meiri umfjöllun en einmitt Lucia, ef frá er talinn skáksnillingurinn Bobby Fischer. Hinsvegar er þetta ekki jákvæð umfjöllun. Þetta vinnuferli hefur valdið miklum deilum og pólitískum vangaveltum.

Og allir velta því fyrir sér hver pólitísk staða tengdamóðurinnar verður er á hólminn kemur í lok næstu viku, þegar að kjósendur greiða atkvæði í kjördæmi hennar og ræðst hvort hún heldur pólitískum sess sínum á þingi, burtséð frá ráðherraembættinu.

Athugasemdir

[Gunnar Th. Gunnarsson, 3.5.2007 kl. 22:46]

Glæsileg stúlka og með ólíkindum hve vel hún talar áskæra ylhýra eftir aðeins 15 mánuði

[emmz, 3.5.2007 kl. 22:57]

Já, sumir útlendingar leggja það á sig að læra tungumálið, annað en þessir Pólverjar sem eru útum allt og kunna varla ensku.

[Jens Sigurjónsson, 3.5.2007 kl. 23:21]

Já það var gaman að heyra hvað hún talaði orðið góða Íslensku eftir ekki lengri tíma hér á landi.

Hún á eflaust eftir að verða góður þegn hér á landi.

[Guðmundur Jónas Kristjánsson, 4.5.2007 kl. 00:42]

Hef ætíð lagt áherslu á að sá/sú sem fær íslenzkan ríkisborgararétt sé fljót/ur
að aðlagast okkar íslenzka samfélagi og númer eitt tvö og þrjú að höndla og
tala okkar ylhýra. Kom mér VERULEGA á óvart hvað hún talaði góða íslenzku
eftir svona stuttan tíma. Og sagðist vonast eftir að geta orðið nýtur og góður
íslenzkur ríkisborgari.  Kannski þetta hafi haft eitthvað að segja!

[Bjarni Þór Sigurbjörnsson (IP-tala skráð) 4.5.2007 kl. 01:11]

Og boðskapur þessarar færslu er hver? Látum það liggja á milli hluta...

Það var hreinlega fáránlegt að fylgjast með fyrrverandi spunameistara Framsóknarflokksins draga persónu stúlkunnar inn í málið í þessum skrípaleik í Íslandi í dag, fyrr í kvöld. Þetta mál snýst um vinnuaðferðir og trúverðugleika þingmanna, ekki um stúlkuna sjálfa, persónu hennar, glæsileika, einkunnir, íslenskukunnáttu eða hvað hún hafi hugsað sér að læra í Englandi, eins og spyrlar þáttarins vildu ólmir vita! Var tilgangur fyrrum spunameistarans að veita áhorfendum efnislega og málefnalega umfjöllun um málið eða að reyna vekja samúð með stúlkunni? Maður spyr sig.

[Stefán Friðrik Stefánsson, 4.5.2007 kl. 01:38]

Takk fyrir kommentin.

Gunnar: Tek heilshugar undir það. Þetta er glæsileg stelpa, vel talandi á íslensku og svo sannarlega orðinn Íslendingur hvað flest varðar. Eftir stendur þó vandræðagangurinn í þessu máli. Það var ekki eðlilega unnið í verkferlum í þessu máli og það er stóri bletturinn. Hann lítur ekkert betur út eftir þetta viðtal, þó að mér finnist þetta glæsileg stelpa og bjóði hana vissulega velkomna í okkar samfélag.

Emil: Ætla svosem ekkert að tala niður til útlendinga. Það á þó að vera grunnmál að kenna nýbúum hér málið. Það er undirstaða þess að falla inn í samfélagið. Sé maður ekki talandi á móðurmáli þeirra sem í landinu búa verður maður alltaf langt á eftir í samskiptum, það er bara þannig. Það er forgangsmál allra sem setjast að fjarri fornum heimabyggðum að læra móðurmál þeirra sem þar búa.

Jens: Já, það efast ég ekki um. Hún kemur vel fyrir og hefur augljóslega lagt grunn að framtíð hér.

Guðmundur Jónas: Það tek ég heilshugar undir. Málið skiptir miklu. Sé maður vel talandi á íslensku er maður kominn inn í samfélagið og getur tekið þátt í því án þess að maður sé með túlk með sér, ef þú skilur hvað ég meina. Þetta er grunnmál að mínu mati að ná. Það er gleðiefni að sjá hversu vel hún hefur sett sig inn í allar aðstæður hér. Eftir stendur þó málið með vinnuferla sem er ekki boðlegt að mínu mati. Á því verður að taka, það er mjög einfalt mál.

Bjarni Þór: Þetta var klárlega spuni. Það er nú lítill vafi á því. Það er verið með þessu viðtali að snúa almenningsálitinu. Veit ekki hvort það hefur tekist með þessu viðtali. Annars hef ég skrifað talsvert um þetta mál, ekkert hikað við að segja mínar skoðanir. Eftir stendur að verkferlar í málinu voru brotnir eða allavega sveigðir til. Mér finnst það ekki viðunandi. Málið snýst ekki um glæsileika fólks og eða persónur fólks heldur að farið sé eftir þeim reglum sem eru til staðar. Þetta er mjög vandræðalegt mál þykir mér og ég hef ekki farið leynt með þá skoðun mína hér.

mbk.

[Eysteinn Ingólfsson, 4.5.2007 kl. 08:38]

Snilldartrikk hjá x-spunameistara Framsóknar að draga þessa frabærilegu stúlku fram í dagsljósið til að fólk finni til samkenndar með henni og líti því framhjá afgreiðslu málsins. 

[Jónas Yngvi Ásgrímsson, 4.5.2007 kl. 10:06]

Það er dálítið skondið að lesa um "fyrrum spunameistara Framsóknar" en á sama tíma gleymist að geta þess að upprunalega fréttin er flutt af fyrrum kosningastjóra Samfylkingarinnar.

[Gísli Aðalsteinsson , 4.5.2007 kl. 11:11]

Eins og kom fram í viðtalinu við stúlkuna þá er ástæða þess að hún biður um og þá væntanlega ástæða þess að hún fær ríkisborgararétt sú að hún telur það vandamál að koma heim frá Bretlandi í leyfi. Það er reyndar þannig að ríkisborgarar Guatemala þurfa ekki vísa til að koma til íslands í þrjá mánuði. Meðan ég var erlendis í námi þá var ég aldrei lengur en þrá mánuði á íslandi þannig að ég skil ekki hvert vandamálið er fyrir hana. A.m.k. sé ég ekki vandamál sem réttlætir að hún fái ríkisborgararétt umfram þá fjölmörgu sem hafa sótt um en verið hafnað.

Kannski það vanti bara ákvæði í íslensk lög sem segi að þeir sem séu fallegir og gáfaðir eigi að fá íslenskan ríkisborgararétt, strax!

Ég vil óska Luciu Celeste Molina Sierra til hamingju með að vera orðinn íslenskur ríkisborgari og megi gæfan fylgja henni.

[Gunnar Jóhannsson, 4.5.2007 kl. 11:35]

Stefán, það er rétt hjá þér að málið er mjög vandræðalegt í alla staði, en það er skemmtilegt að sjá hvernig þú kýst að líta alveg framhjá ábyrgð Bjarna Ben sem er jú formaður nefndarinnar sem veitti leyfið og sá aðili sem ber mesta ábyrgð á afgreiðslunni, hvort sem hún var "eðlileg" eða ekki.

Ef það er "skítalykt" af málinu eins og margir vilja meina þá á að beina spjótum að þeim aðila sem hefur gert í buxurnar, en ekki þeim sem prumpuðu í kringum hann.

[Haukur Nikulásson, 4.5.2007 kl. 12:27]

Mér finnst Steingrímur Sævar Ólafsson setja niður fyrir að reyna þetta "damage control stunt" fyrir flokkinn sinn.

Þetta mál er orðið á allan hátt óverjandi og bara tímaspursmál hvenær einhver biðst bara afsökunar á því að hafa látið leiða sig út í þessa vitleysu. Hefði þetta verið viðurkennt fyrr hefði lítill sem enginn skaði orðið af þessu.

Afneitunin og lygin hefur gert Jónínu Bjartmarz, Bjarna Ben., Guðjón Ólaf Jónsson og Guðrúnu Ögmundsdóttur að ómerkingum sem fæstir eiga eftir að meta eftir þetta. 

[Emil Valsson, 3.5.2007 kl. 22:57]

Já, sumir útlendingar leggja það á sig að læra tungumálið, annað en þessir Pólverjar sem eru útum allt og kunna varla ensku.

Emil Valsson, 3.5.2007 kl. 22:57

Alltaf er það jafn drepfyndið að lesa og heyra svona viðhorf.  Pólverjar úti um allt og kunna varla ensku.  Af hverju þurfa Pólverjar að kunna ensku á Íslandi, hér er töluð íslenska.  Í starfi mínu umgengst ég og heyri af mörgum útlendingum, pólverjum og öðrum og  margir hafa sagt mér að þegar þeir fluttu til landsins töluðu þeir ekki stakt orð í ensku, nú tala þeir reiprennandi ensku, en ekki stakt orð í íslensku og hverjum er um að kenna..........jú okkur íslendingum, því við grípum umsvifalaust í ensku við útlendinga, jafnvel þótt þeir tali ekki ensku og hreinlega neyðum þá til að læra ensku af okkur, gefumst barasta ekkert upp við að láta þá skilja okkur á ensku.  Af hverju tölum við ekki íslensku við þá og kennum þeim málið þannig, það bara getur ekkert verið flóknara.

Annars  hafði innlegg Emils ekkert að gera með umræðuna, þar sem það skiptir ekki máli í því sambandi hvort umrædd stúlka er glæsileg eða talar íslensku, heldur forgangsmeðferðin sem hennar umsókn fékk byggða á forsendum sem halda ekki.