Norðausturkjördæmi

Það eru aðeins sex dagar til alþingiskosninga og þar til að örlögin í kosningabaráttunni ráðast. Í kosningaumfjöllun dagsins á sus.is fjalla ég um kjördæmið mitt: Norðausturkjördæmi. Farið er yfir stöðu mála í kjördæminu; úrslit síðustu kosninga, sviptingar í stjórnmálum á kjörtímabilinu og í aðdraganda þessara þingkosninga. Ennfremur er fjallað um frambjóðendur, um mörk kjördæmisins og komið með fróðleiksmola.

Norðausturkjördæmi nær frá Siglufjarðarkaupstað í norðri til Djúpavogshrepps í austri og er víðfeðmasta kjördæmi landsins. Norðausturkjördæmi var myndað í kjördæmabreytingunni árið 2000 úr tveim kjördæmum; Norðurlandskjördæmi eystra og Austurlandskjördæmi.

Eina breytingin var þó sú að Siglufjörður og nærsveitir sem áður tilheyrðu Norðurlandskjördæmi vestra færðist yfir í Norðausturkjördæmi og Hornafjörður og nærsveitir sem áður tilheyrðu Austurlandskjördæmi færðust yfir í Suðurkjördæmi.

Á kjörtímabilinu hafa þingmenn kjördæmisins verið 10 talsins; níu kjördæmasæti og eitt jöfnunarsæti. Svo verður áfram eftir kosningarnar 12. maí nk.

Umfjöllun um Norðausturkjördæmi

Athugasemdir

[Jóhann Rúnar Pálsson, 6.5.2007 kl. 17:38]

Sæll Stefán!

Langar til að fá þína pælingu á meintum orðum Kristjáns Þórs Júlíussonar á Dalvík í síðastliðinni viku varðandi það að núverandi stjórnarsamstarf komi ekki til greina eftir kosningar og að það verði Sjálfstæðisflokkur og Samfylking sem komi til með að mynda næstu ríkisstjórn. Kom með þessa fyrirspurn á öðrum pistli hjá þér. Er þetta það sem Sjálfstæðismenn sjá sem raunhæfasta kostinn næsta kjörtímabil?

[Stefán Friðrik Stefánsson, 6.5.2007 kl. 18:00]

Ég mun skrifa pistil um þetta mál á eftir hér á vefinn.

mbk.