Lánleysi KR heldur áfram með tapi í Kópavogi

Nýliðar HK í Kópavogi gerðu sér lítið fyrir í kvöld og rassskelltu KR-inga í Kópavogi. Það hlýtur að vera skelfingarblær yfir stuðningsmannahópi KR við þá staðreynd að HK taki KR. Þessi ósigur er sá fimmti í röð en KR hefur ekki unnið leik það sem af er sumars. Þetta er ný en jafnframt kuldaleg staða sem blasir við KR á þessu sumri og vandséð hvernig þeir geti snúið við úr þessum botni sem þeir eru fastir á.

Það virðist vera að barátta KR í sumar verði vörn fyrir því að halda sætinu í deildinni. Það er alveg ljóst að KR-liðið má ekki við fleiri skakkaföllum og er orðið brothættara en dæmi eru um árum ef ekki áratugum saman. Það hlýtur að vera svakaleg stemmning hjá KR við þessa skelfingarbyrjun á sumrinu og ljóst að eitthvað verulega er að fara úrskeiðis í þeirra herbúðum. Staða þjálfarans hefur verið að veikjast með hverjum ósigrinum og við hvert stigið sem glatast í sumar. Tap fyrir HK er ekki ósennilega metið sem brottrekstrarsök hjá þeim sem vilja árangur í Vesturbænum.

KR hefur lengst af verið gullaldarlið í íslenskri knattspyrnu. Deyfðin og stemmningsleysið þar er orðið hróplega áberandi og eflaust spyrja flestir sig að því hvernig KR ætli að vinna tímabilið eftir þessa martröð í upphafi mótsins. Þar eru góð ráð orðin mjög dýr og algjör skelfingarbragur yfir þessu forna knattspyrnuveldi sem er að upplifa sína dökkustu daga óralengi.

HK og Keflavík og FH fögnuðu sigrum

Athugasemdir

[Mummi Guð, 20.6.2007 kl. 22:32]

Það er spurning hvort þetta sé lánleysi eða getuleysi.

[Andrea, 20.6.2007 kl. 23:06]

Hörmung.

[Magnús Paul Korntop, 21.6.2007 kl. 00:49]

Samningur teits er óuppsegjanlegur fyrstu 2 árin en nú er annað árið einmitt í gangi þannig að Teitur verður ekki rekinn en það eru fyrst og fremst leikmenn liðsins sem þurfa að taka sig saman í andlitinu því vissulega eru þetta dekkstu dagar KR-inga í knattspyrnu síðan 1977 þegar KR féll.

Ég vil benda á blogg á síðunni minni um þessa krísu KR-inga.

[Jón Ingi Cæsarsson, 21.6.2007 kl. 19:52]

Gullaldarlið...sér er nú hvert liðið. KR liðið hefur ekki verið merkilegra en hvert annað gutlaralið síðastliðinn þrjátíu ár. Gullaldarárin eru löngu liðin og ég átta mig ekki á hvernig það má vera að menn reikni með nokkru frá KR. Hvert sem ltið er.. fótbolti, handbolti, frjálsar og fleira er KR ekki svipur hjá sjón. Gullöld KR lauk á áttunda ártug síðustu aldar.