Banaslys á Kárahnjúkum

Það er sorglegt að heyra fréttir af banaslysi við Kárahnjúka. Þetta er sennilega það fimmta á framkvæmdaskeiðinu. Það er auðvitað svo að við tæknilega erfitt og tröllvaxið verkefni geta orðið slys en þetta er samt sem áður orðinn mikill fórnarkostnaður sem hefur orðið. Það er alltaf sorglegt þegar að það verða slys og fólk lætur lífið við vinnu sína, sama hvort það er á Kárahnjúkum eða til sjós og lands.

Það er erfitt um að segja hvað gerir það að verkum að þessi slys verða. Það verður að kanna vel aðbúnað þarna og ennfremur auðvitað hvort að öll öryggisatriði séu í lagi. Mér finnst það vissulega of mikið að fimm einstaklingar láti lífið við verk af þessu tagi. Það finnst öllum. Það er alltaf dapurlegt þegar að einstaklingur deyr við vinnu sína, sama hvert verkið er.

Lést á leið í sjúkraflugið

Athugasemdir

[Sigfús Sigurþórsson., 25.6.2007 kl. 18:52]

Já það er virkilega leitt þegar svona slys verða, og að sjálfsögðu öll slys. Í svona stórum verkum við hættulegar aðstæður er þetta bara nokkuð sem má gera ráð fyrir að gerist, vonandi sem minnst að sjálfsögðu.

Samúðarkveðjur til aðstandenda.

Kveðja.

[Sigurður Þór Guðmundsson (IP-tala skráð) 26.6.2007 kl. 09:36]

Þegar það verður slys þá hefur einhver væntanlega ekki gætt að sér og því fór sem fór. Vinnustaður, þar sem mörg tungumál eru töluð, síbreytilegar aðstæður og pressa á að halda tímaplön, veldur því að kappið verður meira en forsjáin. Mín reynsla af svona vinnustöðum er sú að það er ekki aðbúnaðurinn eða öryggisatriðin sem skipta sköpum, heldur aðgát hvers og eins og vakandi auga verkstjóranna sem gæta manna sinna og að menn tali vel saman og gæti hvers annars. Það sem maður heyrir um stéttaskiptingu og virðingarstiga af vinnusvæðinu á Kárahnjúkum gæti valdið því að menn gæti ekki nóg að hverjum öðrum.