Ótrúleg viðbrögð - ungum manni hótað dauða

Viðbrögðin við dauða hundsins Lúkasar hafa verið ótrúlega mikil og reiði fólks virðist gríðarleg vegna málsins. Það er óhætt að segja að sá sem sakaður er um að hafa drepið hundinn hafi fundið fyrir því. Honum hefur verið hótað með morðhótunum og svívirðingum og hann varð að loka bloggsíðu sinni þar sem hún allt að því drukknaði í hótunum og hatursskilaboðum. Nafn hans hefur verið opinberað og stendur hann því algjörlega berskjaldaður í raun. Það er varla hægt að segja allavega að hann eigi náðuga daga.

Það verður fróðlegt að sjá hvað tekur við, en það er alveg ljóst að rannsaka þarf þetta mál og þessi maður þarf að fara yfir sín mál. Það sést vel af þessu máli að fólki býður við málavöxtum og þetta mál hefur kallað á gríðarlega sterk viðbrögð. Það er þó engin lausn að ráðast á manninn fyrirfram og málið þarf að hafa sinn gang. Það er enginn vandi leystur að ráðast að viðkomandi manni með þessum hætti fyrir lok rannsóknar, en það þarf að fara yfir þetta mál með eðlilegum hætti að mínu mati.

Um er að ræða viðkvæmt mál, en það hlýtur að vera komið í ferli eins og staðan er núna. Það er mikilvægt að fara yfir þætti þessa máls og taka á því, enda er þetta það ógeðfellt mál og það er alveg ljóst að lýsingar málsins hafa leitt til ótrúlegrar atburðarásar, enda er fólki nóg boðið yfir þeim hrottaskap sem virðist hafa fylgt drápinu á hundinum.

Morðhótunum rignir yfir ungan mann

Athugasemdir

[Ásdís Sigurðardóttir, 29.6.2007 kl. 12:36]

Var einmitt að lesa þetta. Eins skelfilegt og morðið á hundinum er þá verður að taka á þessu máli af festu og koma í veg fyrir að menn séu ranglega ásakaðir, dómstóll götunnar getur ekki tekið að sér að afgreiða þetta mál, það þarf að fara löglegu leiðina.

[Þorsteinn Sverrisson, 29.6.2007 kl. 13:14]

Er þetta ekki allt komið út í tóma vitleysu og hysteríu.  Er það nokkuð sannað að hundgreyið hafi verið drepinn með þessum hætti?  Miðað við það sem maður les og heyrir í fjölmiðlum eru þetta bara sögusagnir.  Kannski er allt þetta mál byggt á tómum misskilningi frá upphafi.  Annað eins hefur nú gerst.

[Hallfríður Jóna Jónsdóttir, 29.6.2007 kl. 17:08]

Sammála síðasta ræðumanni.  Hvað er sannað í þessu máli? Er hræið af hundinum fundið? 

Mér finnst þetta mál í hnotskurn alveg skelfilegt.  Bæði fyrir umræddan dreng og eins eiganda hundsins sem í raun og veru hefur engar sannanir um hvað kom fyrir dýrið. 

[Bertha Sigmundsdóttir, 29.6.2007 kl. 17:20]

Þetta er alveg hræðilegt, bæði með hundinn og drenginn sem er ásakaður. Ég var að lesa að það er einhver með upptöku af drápinu, ef svo er, af hverju er ekki lögreglan þá búin að skoða upptökuna, og handtaka unga drenginn ef hann er sekur. Og ef að það er til upptaka af drápinu, hvað var sú manneskja að pæla, af hverju stoppaði ekki sú manneskja drápið?

[Vilhelmina af Ugglas, 29.6.2007 kl. 22:44]

Franski heimspekingurinn og vísindamaðurinn René Decartes negldi upp hunda á planka og skar úr þeim innyflin lifandi í kennslustundum til að sýna læknanemum "gangverk líkamans" í action. Vælið í þeim útskýrði hann með því að vélar sem biluðu hefðu tilhneigingu til að ískra.