Banaslys í Norðurárdal

Það er mjög dapurlegt að heyra fréttir af banaslysinu í Norðurárdal. Það virðist hafa orðið við einbreiðu brúna þar neðst í Öxnadalsheiðinni. Allir sem hafa farið um þessar slóðir vita að þar hefur orðið nokkuð um slys og stendur nú yfir vegavinna á þessu svæði þar sem vegastæðinu er breytt og einbreiða brúin verður ekki lengur hluti hringvegarins. Þarna hafa áður orðið banaslys. Sjálfur lenti ég eitt sinn í slysi á þessum slóðum og þekki því vel hversu erfiður þessi kafli getur orðið.

Það hafa nú þrír látist í umferðinni á árinu. Á sama tíma í fyrra höfðu níu látist. Það varð eitt sorglegasta ár íslenskrar umferðarsögu. Yfir 30 manns létust á árinu. Það er öllum ljóst að erfiðasti kafli ársins er framundan. Vonandi mun fara vel í umferðinni og öllum ganga vel að komast heilir heim.

Banaslys í Norðurárdal

Athugasemdir

[Benedikt Halldórsson, 8.7.2007 kl. 17:32]

Þegar ég ek norður fylgist ég mjög vel með hraðamælinum nálægt Blönduós sem segir mér aðeins eitt: Við eigum að "óttast" lögregluna, hún þarf að vera sýnileg, við eigum að reikna með að fá sekt, þrátt fyrir að aðstæður séu góðar en það er með ólíkindum hversu lítið maður finnur fyrir hraðanum miðað við gömlu druslurnar....

[Ásdís Sigurðardóttir, 8.7.2007 kl. 18:44]

Votta aðstandendum samúð mína. Gott að vita af því að þarna er nýr vegur í bígerð og gengur vel.

[Benedikt Halldórsson, 8.7.2007 kl. 19:29]

Ég votta aðstandendum einnig samúð mína.

[Vilborg Traustadóttir, 8.7.2007 kl. 21:33]

Ég átti leið þarna um í sumar.  Það er hreint ótrúlegt að enn séu einbreiðar brýr á þjóðvegi 1.  Þegar maður kemur ofan í Norðurárdalinn eru nokkarar einbreiðar brýr þar sem er mjög blint að keyra að.  Miklar slysagildrur.  Sem betur fer er verið að breyta þessu.  Ég sendi einnig innilegar samúðarkveðjur.

[Stefán Friðrik Stefánsson, 9.7.2007 kl. 00:57]

Takk kærlega fyrir kommentin og hugleiðingarnar.

Tek undir ennfremur að ég votta fjölskyldu stráksins sem lést innilega samúð mína. Gleymdi því miður að skrifa það í dag en ég vil koma því á framfæri hér.

mbk.

[Kristín María Björgvinsdóttir, 10.7.2007 kl. 12:45]

ég vil votta öllum sem þekktu þennan strák okkar dypstu samúð