Er flugið öruggasti ferðamátinn?

Brá talsvert þegar að ég sá fréttina um að elding hefði lent í væng flugvélar frá Iceland Express og taldi kannski að um eitthvað slys hefði orðið að ræða. Svo var sem betur fer ekki. Allt fór eins vel og á var kosið við þessar aðstæður. En þetta opnar auðvitað hugleiðingar um það hvort að flugið sé öruggasti ferðamátinn.

Sjálfur hef ég mikið notað innanlandsflugið og flogið talsvert. Aldrei hefur mér liðið eitthvað illa í flugi eða fundist það óöruggur ferðamáti, þvert á móti hefur mér liðið frekar vel með að ferðast þannig. Hinsvegar er það auðvitað ljóst að allt getur gerst og aldrei hægt að koma í veg fyrir að slys verði. Það er eins og í umferðinni að slysin gerast og þau gera heldur aldrei boð á undan sér með neinu móti.

Hef sem betur fer aldrei lent í neinu óhappi á öllum þessum árum, í mesta falli orðið fyrir ónotum af því að flugvél lendir í vindi og rásar til sem leiðir til smáfiðrings. Sjálfum finnst mér miklu skemmtilegra til dæmis að fara fljúgandi milli Akureyrar og Reykjavíkur. Þau eru teljandi á fingrum annarrar handar skiptin sem ég hef farið á bíl á milli síðustu fimm árin til dæmis. Finnst flugið einfaldlega miklu betra. Það er bæði hraðvirkur og einfaldur ferðamáti að mörgu leyti. Gott að losna við langar bílferðir innanlands.

En flugið verður aldrei hættulaust. Um leið og við pöntum okkur flugmiða innanlands eða út í heim vitum við að allt getur gerst. Það er alveg eins þegar að við förum keyrandi á milli staða. Við vitum aldrei hvort við komumst heil heim, en við auðvitað vonum alltaf hið besta.

Eldingu laust í þotu Iceland Express

Athugasemdir

[Ásdís Sigurðardóttir, 22.7.2007 kl. 22:32]

Ég flýg sem betur fer svo sjaldan að ég þarf ekki að hræðast mikið.

[Stefán Friðrik Stefánsson, 23.7.2007 kl. 00:07]

Baldur: Ég segi nokkrum sinnum í greininni að ég hafi aldrei óttast að fljúga og þessi frétt breyti engu um það. Þetta eru bara hugleiðingar útfrá fréttinni, það sem ég var að hugsa. Ágætt að tjá sig aðeins um það. Ég myndi ekki hafa flogið eins oft og raun ber vitni undanfarin ár ef ég væri flughræddur af einhverju tagi. Enda sést vel í lok skrifanna að ég ber engan kvíðboga yfir því að fljúga á næstunni.

Ásdís: Það er gott að fljúga. Þetta er frétt af því tagi að gott er að hugsa um hana en alls ekki að óttast það að fljúga að mínu mati.

mbk.