Banaslys í umferðinni

Það er sorglegt að heyra af enn einu banaslysinu í umferðinni. Þetta er annað banaslysið á skömmum tíma þar sem ökumaður bifhjóls deyr en nokkrir hafa látist í umferðinni núna í júlímánuði. Það hefur jafnan verið svo að sumarmánuðirnir hafa verið sorglegastir í umferðinni og virðist svo vera enn og aftur nú. Það er sorglegt að heyra svona fregnir.

Mér finnst áberandi hvað umferðarslys þar sem bifhjólafólk deyr hefur aukist undanfarin ár. Það er auðvitað alltaf áhættusamt að stunda bifhjólakeyrslu, en samt sem áður finnst mér áberandi hvað slíkum slysum hefur fjölgað. Þegar að Heiðar Jóhannsson, héðan frá Akureyri, lést í fyrra í bifhjólaslysi var mikið rætt um að taka á slíkum slysum. Síðan hafa nokkrir bifhjólamenn að auki látist í umferðinni.

Dapurleg slys af þessu tagi vekja vonandi alla í umferðinni til umhugsunar. Ég votta aðstandendum innilega samúð mína.

Banaslys á Biskupstungnabraut

Athugasemdir

[Ragnheiður , 29.7.2007 kl. 11:18]

Já þetta er sorglegt að byrja daginn á að lesa.

Samúðarkveðjur til aðstandenda hans og ferðafélaganna.

[Halla Rut , 29.7.2007 kl. 15:39]

Hræðilegt. Mótorhjólum hefur auðvitað fjölgað mikið í umferðinni svo það er auðvitað líka skýring á auknum slysum. Ökumenn annarra ökutækja ættu að hafa í huga að við flest mótorhjólaslys við bifreiðar eru ökumenn bifreiðanna í órétti.