Glæsilegir afmælistónleikar á Laugardalsvelli

Það er ekki hægt að segja annað en að afmælistónleikar Kaupþings sem nú standa yfir á Laugardalsvelli séu stórglæsilegir. Þarna er svo sannarlega saman komið gott úrval af bestu tónlistarmönnum þjóðarinnar og skemmta þjóðinni. Stefnir í virkilega tónlistarveislu. Þetta hlýtur að teljast með glæsilegustu tónleikum hérlendis til þessa og stórviðburður í tónlistarlífi landsins.

Það var mikið talað um það fyrir tónleikana hvort að það væri rétt af Kaupþingi að halda upp á afmælið með tónleikum. Mér finnst þetta mjög vel til fundið hjá Kaupþingi. Landsmenn allir njóta þessara tónleika. Þeir sem ekki komast á Laugardalsvöll geta kveikt á Sjónvarpinu og notið. Þetta ætti að verða frábært kvöld fyrir alla sem meta tónlist mikils.

Skilst reyndar að fólksfjöldamet á Laugardalsvelli sé fallið og þar séu rúmlega 30.000 manns staddir. Glæsilegt það svo sannarlega!

Undirbúningur Kaupþingstónleika í fullum gangi

Athugasemdir

[Jón Baldur Lorange, 17.8.2007 kl. 21:52]

Sammála þér Stefán að þetta eru glæsilegir tónleikar sem sýna að Íslendingar eiga frábært tónlistarfólk á heimsmælikvarða. Hins vegar hefði ég frekar kosið að Kaupþing hefði gefið þjóðinni þá afmælisgjöf að lækka þann himinháa bankakostnað sem okkur er boðið upp á í skjóli fákeppni á bankamarkaði. Það hefði verið verðug afmælisgjöf til þorra almennings í landinu.

[Stefán Friðrik Stefánsson, 17.8.2007 kl. 22:21]

Já, þetta er algjört dúndur, segir maður bara. Frábærir tónleikar.

En Kaupþing hefði átt að horfa betur til kúnnanna líka að mörgu leyti, en þetta eru tónleikar sem verða lengi í minningunni tel ég.