Sorglegt slys

Dapurlegasta frétt vikunnar var án nokkurs vafa slysið í Soginu, þar sem maður á sextugsaldri beið bana. Það er huggun harmi gegn að nú hafi lík hans fundist eftir tveggja daga erfiða leit. Það er alltaf skelfilegt í svona málum þegar að fólk sem leitað er að finnst ekki og aðstandendur geta ekki átt þá einu sönnu hinstu kveðjustund sem við á.

Enginn vafi er á því að mikið björgunarafrek var unnið þegar að syni mannsins var bjargað á miðvikudag eins og allir þekkja til sem kannast við staðinn og hversu erfiðar aðstæður geta skapast þar. Björgunarsveitirnar okkar hafa unnið vel í þessu máli eins og jafnan og enn einu sinni sést hversu mikilvægt hlutverk þeirra er.

Ég votta fjölskyldu og aðstandendum mannsins sem lést í þessu skelfilega slysi innilega samúð mína.

Karlmaður sem féll í Sogið fannst látinn

Athugasemdir

[Margrét Birna Auðunsdóttir, 22.9.2007 kl. 11:11]

Það hefur lengi verið haft á orði að Sogið skili aldrei neinu sem í það fer, mér skilst að það sé vegna þess að botninn sé mjög grófur og klettóttur. Allavega hlýtur að vera mikill léttir að maðurinn skuli hafa fundist, aðstandendanna vegna, þá verður hægt að jarða hann.

[Gunnar Helgi Eysteinsson, 22.9.2007 kl. 15:53]