Kynferðisafbrotamaður missir lögmannsréttindin

Mikið hefur verið rætt og ritað í dag um dóm Héraðsdóms yfir Róberti Árna Heiðarssyni. Það kemur varla að óvörum að hann hafi verið sviptur lögmannsréttindum, enda eru kynferðisafbrotin sem hann er sakaður um mjög alvarlegs eðlis og varla annað verjandi en taka manninn úr umferð í stéttinni. Það er því ekki hægt annað en taka undir ummæli Atla Gíslasonar, alþingismanns og lögmanns, um málið í dag.

Ég tel eðlilegt að rætt sé um þetta mál. Það má deila um hvort að nafnbirting fyrir dóminn hafi verið rétt, en ég tjáði mína skoðun á því um daginn. Ég sá Kompásþáttinn um daginn og var sennilega eins og flestir mjög sleginn yfir þeirri umfjöllun. Þetta er rosalegt mál. Það er auðvitað enn verra þegar að um er að ræða lögmann sem lokkar til sín stelpur og tekur þær yfir með brögðum. Það að lögmaður loggi sig inn á MSN og þykjist vera 17 ára gaur með aflitað hár og vöðva er auðvitað bara sjúkt, sé það raunin, eins og flest bendir til.

Þetta mál er enn ein lexían í þessum málum öllum. Það er eðlilegt að ræða það hreint út. Sérstaklega þegar að það er komið á þetta stig. Viðkomandi maður hefur fengið dóm. Það er vissulega gengið langt í umræðunni víða en brotin eru líka mjög skelfilegs eðlis og varla við því að búast að þagnarhjúpi sé slegið um þau, sérstaklega ekki þegar að maður í þessari stöðu er staðinn að verki. Það verður að tala hreint út um slík mál.

Athugasemdir

[Gísli Baldvinsson (IP-tala skráð) 27.9.2007 kl. 10:11]

Kató (gamli) lokaði alltaf ræðum sínum á þessari setningu: Auk þess legg ég til að Karthagó verði í eyði lögð. Sama á við um fræðslu til barna og unglinga varðandi notkun á tölvusamskiptum. Fórnarlömbin eru brotnir einstaklingar sem auðvelt er fyrir snjalla perra að veiða í net sín. Enginn (að mér vitandi) hefur nefnt þetta í tengslum við þetta mál. Það er t.d. ekkert samræmt efni til um slíka fræðslu. Auglýsi eftir því hér enda koma margir við hjá þér. Köffumst fljótlega. kv gb

[Nói Jónsson, 27.9.2007 kl. 14:01]

Svona menn á að loka strax inni,,, Þetta er viðbjóður að gera svona og maður í þesari stöðu ,,, Lögmaður.....

[Friðrik Þór Guðmundsson, 27.9.2007 kl. 16:30]

Ég er búin að lesa dóminn og mér sýnist hann eðlilegur og réttmætur miðað við fordæmi. En fyrst og fremst er þetta fárveikur sjúklingur.