Spaugstofan fer yfir REI-málið með glæsibrag

Það er orðið óralangt síðan að ég hef hlegið eins mikið að Spaugstofunni og var í kvöld. Þeir fóru yfir REI-málið grútskítuga með glæsibrag og gerðu sitt allra besta eftir að Randver Þorláksson var rekinn. Reyndar var sérstaklega fyndið að sjá Pálma Gestsson í hlutverki Halldórs Ásgrímssonar með grímu af andliti Randvers framan á sér. Kaldhæðið og skemmtilegt atriði. Hvert atriði var fullkomið og gert var grín að öllum aðilum með sínum hætti. Gamli góði Villi, guðfaðirinn Alfreð, SpillIngi, Bergþóruson, Ólafur Ragnar og friðarpostulinn Yoko fengu öll sitt sviðsljós.

Spaugstofan hefur jafnan verið best í stuttum þáttum með heilsteyptum hætti um eitt lykilmál í kastljósi fjölmiðlanna - þáttur unninn í hraða stórmálanna. Þetta er með því besta hjá þeim til þessa og sérstaklega gott að sjá REI-málið, eins svart og ömurlegt og það er allt frá a-ö, tekið fyrir með húmorískum töktum. Spaugstofan fór á kostum í sinni úttekt altént.

Þáttur Spaugstofunnar

Athugasemdir

[Guðrún María Óskarsdóttir., 14.10.2007 kl. 00:20]

Þetta var meirháttar þáttur hjá þeim félögum.

kv.gmaria.

[Kristján Pétursson, 14.10.2007 kl. 16:13]

Frábær þáttur Spaugstofunnar.REI málinu vel skilað í hús.Skemmti mér vel og hló mikið.

[Ólafur Hannesson (IP-tala skráð) 14.10.2007 kl. 16:34]

Já þetta var frekar góður þáttur, og kom hlutunum ágætlega frá sér

mbk

Óli