Hörð átök borgar og bissnessmanna framundan?

Ef marka má yfirlýsingu stjórnar Geysis Green Energy síðdegis er von á hörðum átökum fyrirtækisins við Reykjavíkurborg vegna ákvarðana stjórnmálamanna í borgarráði Reykjavíkurborgar í dag. Þeir telja bæði tuttugu ára einkaréttarsamninginn og samrunann sem slíkan enn í fullu gildi þó pólitískt munaðarlaus ákvörðun fyrrverandi borgarstjórnarmeirihluta hafi verið felld úr gildi. Aldrei var meirihluti í borgarstjórn fyrir samrunanum.

Það gæti verið mjög stórt og mikið mál framundan. Tíðindi dagsins hafa verið óvænt fyrir suma en aðrir fagna. Í heildina held ég allir fagni að tekið var á þessum málum af hálfu hinna kjörnu fulltrúa, að þeirra skoðun á málinu kæmi fram loksins. Það var ljóst frá fyrsta degi að engin sátt var við samrunann innan Sjálfstæðisflokksins og fyrri meirihluti sprakk á málinu, öllum hliðum þess. Aldrei var séð að sátt yrði heldur innan nýs meirihluta með verklagið og ákvarðanirnar.

Það er ljóst að þessu máli er fjarri því lokið. Línur hafa þó skýrst. Hið pólitíska vald í Reykjavík hefur talað. Það virðist vera nær algjör samstaða kjörinna fulltrúa að þessi samruni sé út úr kortinu við allar aðstæður sem uppi eru. Er með ólíkindum að farið var af stað í málið með svo lélegum hætti sem fyrri meirihluti gerði og áhugavert að sjá hvaða áhrif það verklag hafi er yfir lýkur.

Geysir Green segir samninga vera fullgilda

Athugasemdir

[Haraldur Haraldsson, 1.11.2007 kl. 20:39]

Það hlaut að koma að þessu,Þeir sem verja stöðu eigandana !!!!okkar Borgaranna,verða að gera okkur þetta ljóst að þetta var frumhlaup/með góðu eða illu/auvitað !!!!!Halli gamli

[Kolbrún Baldursdóttir, 1.11.2007 kl. 20:45]

Málinu er síður en svo lokið, það held ég að sé mikið rétt.
Hvort samruninn sé út úr kortinu er kannski ekki gott að segja nú, spurning hvort hægt sé að hefja nýtt start?? ef fundurinn sem deilt er um verður dæmdur ógildur

[Benedikt Sigurðarson, 1.11.2007 kl. 21:09]

Ekki eru nú allar ályktanir eins um þetta mál.   Það að lýsa samrunann ógildan eða ósamþykktan er ekki það sama og að hætta við "útrásina" og hætta við allt samstarf við fjárfesta.   Það lá vafi yfir gildi samþykktarinnar  - án þess að hluthafafundur væri örugglega haldinn með lögmætum hætti - og það er líka settur vafi á þennan 20 ára einkaréttarsamning  - eins og hann var - með viðfestu minnisblaði (sem enginn sá víst).

Verðmætisviðurkenning á 10 milljarða eignarhlut í REI-GGE - byggist hins vegar auðvitað á því að OR kanalíseri alla sína verkþætti í gegn um REI - sem þannig tryggir að áfram verði til farvegur fyrir þekkingarsköpun á grundvelli vinnslu jarðvarma.   Þannig eignast OR og notendur orku í Reykjavík   aðgang að fjármunum sem til lengri tíma litið munu leiða til hagkvæmari rekstrar OR og í framhaldinu til lægra orkuverðs.

Þetta verður alltaf svolítð flókið að reikna - upp á krónur og aura - en auðvelt að meta með tilteknu fráviki þegar tímar líða.

Held að það sé ástæða til að klára samningana um samruna REI og GGE - og kannski við fleiri aðila - og mæta með sameinað lið og með skipulagða verkaskiptingu í útrás orkufyrirtækja.  Studda af ríkisstjórn og forseta vorum.  Við höfum ekki efni á samkeppni íslenskra fyrirtækja í þessu efni  - á erlednri grund.

Sama er að segja með kennslu á svið endurnýjanlegrar orku.  Það er auðvitað óþolandi að aðilar fari aftan að hver öðrum í samkeppni um fjármagn og nemendur í kennslu á sérhæfðum sviðum endurnýjanlegra orkugjafa.

RES-orkuháskóli á Akureyri er þarna klárlega í fararbroddi og með frumkvæði - tilbúinn að hefjast handa með nýju ári.  Kennsla á meistarstigi og síðar rannsóknir og kennslu til doktorsnáms - þarf stuðning af öflugri orkuútrás og orðstír Íslenskra fyrirtækja.

Gleymum því ekki

[Eggert Guðmundsson (IP-tala skráð) 1.11.2007 kl. 21:21]

Það er greinilegt að stjórn Geysis Green Energy er byrjuð að vígbúast. Þeir vilja ekki kyngja staðreyndunum og reyna að klóra í bakkann. Það er ótrulegt að þessir menn séu að benda á að ímynd og viðskiptasambönd geti skaðast á þessari "afturábak ferðalagi" og hlutaðeigendur geti orðið af einhverjum krónum.

Þeir kunna ekki að skammast sín, heldur fara þeir strax í gang og undirbúa skaðabótakröfur á Orkuveitunar.

Það verður gaman að sjá þá samninga sem Orkuveitan hefur gert úti í heimi undir formerkjum samrunafyrirtækis REI og Geysis Green Energy. Voru þessir samningar gerðir með einhverjum fyrirvörum eða ekki.  

Ég held að Orkuveita Reykjavíkur standi sterkari í samningsstöðu til langtíma litið, ef handhafar eiganda gefa fingurinn framan í Buissnessmennina og láti þá sækja sig. Reykjavíkurborg er með 150.000 manns að minnsta kosti á bak við sig.

[Stefán Friðrik Stefánsson, 1.11.2007 kl. 23:42]

Þakka kommentin.

Alveg ljóst að þetta mál er rétt að byrja. Flókið og erfitt mál sem sér ekki fyrir endann á.

mbk.

[Eggert Guðmundsson (IP-tala skráð) 2.11.2007 kl. 00:19]

Þetta er rétt að byrja. Ef kalla á alla hlutaðeigendur og biðja skýringa, er þá ekki rétt að Borgarstjóri verði kallaður fyrir stýrihópinn og hann láti skýra sitt atkvæði á umræddum fundi.

Hann skýri sína þátttöku í afsali eigna borgarinnar til "Buissnessmanna". Er hann kannski orðin friðhelgur i gegnum eitthvað annað samkomulag núverandi ráðamanna borgarinnar?

B örn Ingi ?- verður honum treyst?  Er til virkur meirihluti?

Á ekki að boða til nýrra borgarstjórnarkostninga, svo borgaryfirvöld fái ótvíræðan stuðning sinna eiganda í þessu máli?

Málaferli sem buissnessaðilar eru að ýja að munu kosta borgina einhverja aura og því væri gott að borgin fengi stuðning sinna kjósenda til að mæta þeim málaferlum.

Ef borgin stendur föst í lappirnar nún og lætur ekki beygja,þá verður hún mjög sterk í samningum við einkaframtakið í framtíðinni.Þessi orkuútrás er rétt að byrja og er einungis uma að ræða 3% af allri orkuframleiðslu heimsins nú í dag.

Ef Orkuveitan og þeirra eigendur vanda sig í þeim skrefum sem þeir eru að taka þ.e. taka fyrir frekju og yfirgang fjármagnsins, vera ekki með í  gróðafíkn fyrirtækja, þá getur fyrirtækinu auðnast sú lukka að vera dæmd í tíma sem áhugaverður kostur til samvinnu við önnur ríki og einkafélög úti í hinum stóra heimi. 

Þekking sem Orkuveita Reykjavíkur býr yfir er einkaeign okkar Íslendinga (Reykvíkinga) og ef önnur ríki vilja nýta sér þessa þekkingu þá getur greiðsla fyrir þá þekkingu komið til okkar í öðru en beinhörðum peningum. Greiðsla getur komið fram í lækkun  tolla viðskiptarlanda í gegnum Sameinuðu þjóðirnar    -nýjum viðskiptasamböndum og velvild sameinuðu þjóðanna gagnvart sérstöðu okkar hérna uppi-.

Ofangreinar greiðslur gætu gefið okkur miklu meira heldur en greiðsla upp á 10 milljarða sem verður greidd á 20 árum.