Skelfilegt fjöldamorð í finnskum skóla

Það er skelfilegt að heyra fréttirnar af fjöldamorðunum í Jokela-framhaldsskólanum í Finnlandi. Svo virðist vera sem um tíu manns hafi þar fallið í valinn í árás átján ára byssumanns, sem var nemandi við skólann. Þetta er sjokkerandi skotárás enda man ég satt best að segja í svipinn ekki eftir svona hér á Norðurlöndum, en oft hafa borist fregnir af því frá Bandaríkjunum, t.d. í Columbine og í Virginia Tech fyrr á þessu ári.

Þetta eru óneitanlega mjög sláandi tíðindi, þetta er gríðarlegt áfall fyrir finnskt samfélag, svo skömmu eftir aðrar fyrri skotárásir er skelfilegt að upplifa svona mál hér á Norðurlöndum. Hef verið að skoða norrænar vefsíður til að fá betri fréttir, þar sem ég er ekki beint góður í finnskunni hef ég skoðað þær dönsku helst. Þessi mikli harmleikur er skelfilegri en orð fá lýst og það er vonandi að Finnland nái sér sem fyrst úr þeirri skelfingu sem þessu fylgir.

Þetta er mikill sorgardagur fyrir Finna og þessi vondu tíðindi skekja samfélagið þar og mun víðar. Þetta hefur verið erfiður bandarískur veruleiki og því mikið högg að upplifa svona skólaárás byssumanns, nemanda við skóla, hér á Norðurlöndum, þar sem flestir hafa talið einmitt allt vera í lagi.

Samfélagið í þessum skóla er í rúst og það mun taka langan tíma að yfirvinna svona skelfilega örlagastungu á viðkvæman blett. Hugur okkar allra er í Finnlandi á þessum sorgardegi þeirra.

Sjö myrtir í skotárás í framhaldsskóla í Finnlandi

Athugasemdir

[Birkir Helgi Stefánsson, 7.11.2007 kl. 16:17]

Þetta er mjög sorglegt. Hann náðist lifandi heyri ég frá Finnlandi.

[Stefán Friðrik Stefánsson, 7.11.2007 kl. 16:32]

Já þetta er alveg rosalegt. Strákurinn skaut sig en er ekki dáinn, er einn þeirra sem er verið að hlúa að á sjúkrahúsi.

mbk.