Íslendingar heppnir í riðladrættinum

Það er ekki hægt að segja annað en að Íslendingar hafi dottið í lukkupottinn í riðladrættinum vegna heimsmeistaramótsins í knattspyrnu í Suður-Afríku eftir tæp þrjú ár. Getum verið vel sátt með okkar tel ég. Við erum í riðli með Noregi, Skotlandi, Makedóníu og Hollandi. Misjafnlega sterk lið en sannarlega áhugaverð keppni framundan.

Mikið hefur verið rætt um landsliðið síðustu dagana, eftir fyrsta landsleik Ólafs Jóhannessonar sem landsliðsþjálfara. Sitt sýndist hverjum með niðurstöðu mála eftir þann leik. Deilt er harkalega á KSÍ, með réttu, enda virðist forysta KSÍ vera úti á túni að mörgu leyti. Finnst gagnrýni formanns KSÍ t.d. gegn fjölmiðlum fáránleg - auðvitað taka fjölmiðlar slaginn með lélega stjórnun á liðinu, bæði hjá fyrrum þjálfara og knattspyrnusambandinu. Annað væri óeðlilegt. Þeir horfa í aðrar áttir en þeir þurfa. Framtíðarþróun fótboltans, lykilmarkmið þess sem gera þarf, er mjög á reiki. Það er vandamálið.

Allir eru sammála um að Ólafur Jóhannesson verður að fá sinn séns við að byggja liðið upp. Enginn bjóst við því að kraftaverk yrði unnið í liðinu á þrem fyrstu vikum Ólafs sem þjálfara. En nú hefst vinnuferli og vonandi mætir landsliðið sterkara til leiks að því loknu. Það verður áhugavert að fylgjast með HM-riðlinum sem dregið hefur verið í. Við getum verið vel sátt við riðilinn og fylgjumst með af áhuga. Lykilmál verkanna framundan er auðvitað að byggja landsliðið upp sem sigurvænlega sveit, ekki hóp manna sem virkar fyrirfram glataður, sem hefur æ oftar verið síðustu ár.

Það eru spennandi tímar framundan í boltanum og áhugavert að fylgjast með þeim leikjum sem framundan eru. Vonandi nær Óli Jó að byggja upp landslið sem við getum verið stolt af, lið sem getur gert vel - getur spilað til sigurs að mati landsmanna.

Ísland með Hollandi og Noregi

Athugasemdir

[Stefán Friðrik Stefánsson, 25.11.2007 kl. 17:41]

Tel okkur hafa verið heppna, gátum sannarlega farið mun verr út úr þessu.

Ef við teljum okkur tapa leikjum og förum inn á völlinn með það hugarfar að leiðarljósi töpum við. Það er bara þannig. Það þarf að taka á því. Ef það tekst ekki að byggja upp lið sem er jákvætt og berst áfram þurfum við að fara að líta fótboltann öðrum augum hérna heima. Það er verkefni KSÍ. Í þeim efnum hefur það brugðist. Tek undir ummæli Gauja Þórðar, sem sagði það sem allir eru að hugsa.

mbk.

[Stefán Friðrik Stefánsson, 25.11.2007 kl. 19:01]

Nú reynir auðvitað á þetta lið Marti. Það fær enginn neitt gefins í boltanum, sko. Við gátum farið mun verr út úr þessu. Tel já að við höfum verið heppnir, miðað við allt.

[Guðmundur (IP-tala skráð) 25.11.2007 kl. 22:51]

Drátturinn bara nokkuð góður. Það er nú einu sinni svo að árangur landsliðsins ræðst ekki af því hvort að blaðamenn hafi inniaðstöðu með fullt aðgengi af snittum og bjór til þess eru þeir ekki sendir til þess að fjálla um leikina. Ég held að forysta KSÍ hafi staðið sig almennt vel en það er erfitt að að stjórna úrslitunum og auðvitað hefur ekki allt ræst. Sú gangrýni sem að formaður KSÍ setti fram var nú mest vegna ófaglegra skrifa og vinnubragða á vissum fjölmiðlum. Hvaða ábyrgur og gegnheill blaðamaður hefði látið það fara frá sér sem að blaðamaður Fréttablaðsins hafði á Vísir.is um formann og forystu sambandsins og ætla síðan til þess að menn starfað með KSÍ í framhaldinu. Ég held reyndar að menn verði að gera sér grein fyrir því að Ísland er ekki hátt skrifað land í neinni boltaíþrótt en við skulum vona það besta og áfram ÍSLAND.