Smáís skelfir fimmtán ára icetorrent strák

Þær eru áhugaverðar sögurnar sem ganga af samskiptum Smáís og aðstandenda síðanna sem komu í kjölfar torrent. Sú sem vekur mesta athygli er af fimmtán ára stráknum sem stóð að icetorrent.is og var beygður af Snæbirni og Smáís í dag er honum og foreldrunum var hótað málshöfðun yrði síðunni ekki lokað. Honum var enda tjáð að það væri sama lögbrotið að skiptast á erlendum skrám og þeim innlendu.

Það virðist vera að fimmtán ára strákurinn og foreldrarnir hafi ekki lagt í slaginn við Snæbjörn og Smáís og frekar valið að loka síðunni. Það fylgir reyndar sögunni að foreldrarnir hafi ekkert vitað af vef sonarins og væntanlega orðið eitthvað fjölskyldudrama, enda hefði málshöfðun af þessu tagi væntanlega orðið gegn foreldrunum líka. Þetta er ekki eina dæmið um það að fólk leggi ekki í átök við Smáís og reyni að fjarlægja sig nýju síðunum sem tóku við af torrent. Fannst þessi um fimmtán ára strákinn þó þeirra áhugaverðust.


Smáís ætlar greinilega að elta uppi allar síður sem til staðar eru og leggja þær að velli. Virðist vera til í allan slaginn. Þetta mun væntanlega leiða til þess að farið verður mun frekar í neðanjarðarhernað gegn Smáís en að fólk sé það heiðarlegt að láta nafn fylgja ábyrgð á vefunum. En væntanlega mun stríðið ekkert mildast við það. Smáís virðist til í allan bardagann og ætlar ekki að láta staðar numið við sigur í nokkrum orrustum. Þetta verður langur slagur og greinilegt að þessu er ekki lokið.

Hlakka reyndar mest til að sjá næstu skref í þessum átökum - hvað þeir sem vilja halda úti þessum síðum taki næst til bragðs. Í heildina er þetta erfið barátta fyrir Smáís en það virðist vera að fáir leggi í átök við þá. Það verður reyndar áhugaverðast að sjá hvernig málið gegn Svavari, eiganda torrent.is, fari í desember. Það mun skipta máli fyrir næstu skref átakanna.

Hart barist um höfundarréttinn á torrent-síðum

Athugasemdir

[Úlfar (IP-tala skráð) 27.11.2007 kl. 21:04]

Sammála, það á enn eftir dæma í málum DC og Istorrents. Þó ég telji allar líkur á að dæmt verði dæmt kæruaðilum í hag þá væri ekkert fyndnara en að sjá Smáís ganga frá borði með sárt enni. 

[Þarfagreinir, 27.11.2007 kl. 21:28]

Næsta skref verður að síðurnar verða hýstar í Svíþjóð, Hollandi, eða öðrum löndum þar sem íslensk yfirvöld eða hagsmunasamtök geta ekki snert þær. Svo einfalt er það víst.

[Sólþóra (IP-tala skráð) 27.11.2007 kl. 23:36]

Smáís og öll þess mafía ætlar að  framkvæma einokun á Íslandi forever og engin gerir neitt í því. Það er rétt hjá Sverri Stormsker í bloggi sínu "hjarðmennskan háir okkur Íslendingum" Enginn þorir að segja eða gera neitt, ég hef niðurhalað frá Istorrent en ekki íslensku efni,  einfaldlega af því að mér þykir það leiðinlegt. Ég fíla hvorki íslensk lög né myndir. Það er ekki langt síðan að forsvarsmenn þessarar mafíu ætluðu að koma í veg fyrir að Íslendingar gætu fengið aðgang að Sky-stöðvunum, reyndu að komast inn á tékkareikninga viðkomandi og fl "Þessar gjörðir mættu skoða nánar, hvaða gjörðum í  heimssögunni líkast þessar aðfarir?" Þetta atferli þekkist hvergi annarstaðar í siðmenntum þjóðfélögum. Og við ætlum að láta þessa glæpamafíu ná ráðum hér.

ps. Páll Óskar fékk fría og góða auglýsingu inn á Torrent með sína vonlausa plötu. Þess vegna náði hann toppsölu. Auglýsing á síðu Istorrnet þar sem ******** Íslendinga er.

[Auðbergur Daníel Gíslason, 28.11.2007 kl. 00:02]

"Smáís og öll þess mafía ætlar að  framkvæma einokun á Íslandi forever og engin gerir neitt í því."

Það er fáránlegt að halda því fram að útaf því að það sé ólöglegt að niðurhala efni sem að ekki er greitt fyrir, sé það einokun. Ég hefði hinsvegar viljað sjá einhverja torrent síðu sem seldi efni og greiddi eigendum höfundarréttar fyrir það, sem væri nokkurn veginn sambærileg tonlist.is.

Auðbergur D. Gíslason
14 ára Sjálfstæðismaður

[Þorsteinn Siglaugsson, 28.11.2007 kl. 09:28]

Er eitthvað betra að stela þótt það sé auðvelt?

[Fannar frá Rifi, 28.11.2007 kl. 09:58]

Já mæli með greininni eftir Dr. Gunna.

Smáís hefur löngum verið hagsmuna samtök skífunar. Skífan, fjölmiðlar 365 (bygljan, fm957, popp tívi og fleyri) og plötuútgáfa þeirra. Þeir hafa lengi lamið til markaðinn og alla litla aðila. "gefið út hjá okkur eða löginn ykkar fara ekki í spilun hjá okkur".

Niðurhal er ekki ólöglegt á Íslandi. Upphal er ólöglegt. Ég er ekki sekur ef ég næ í Diskinn hjá Palla en ef ég deili honum með öðrum þá er ég brotlegur.

Ég held að þessi aðgerð hjá smáís eigi eftir að leiða til mikils samdráttar í sölu á diskum fyrir jólinn miðað við síðustu jól. Allavega hef ég engan áhuga á því að versla við einokunar verslun skífunar.  

[gummih, 29.11.2007 kl. 11:46]

Jamm, sjálfur hætti ég að versla við Skífuna fyrir löngu - ég versla samt slatta af netinu og kaupi íslenska tónlist í 12 tónum, enda er það snilldar búð, hlamma sér í sófann og þiggja kaffi meðan maður hlustar - snilld.