Umferðarslys

Það er dapurlegt að heyra af enn einu alvarlegu umferðarslysinu, nú á Reykjanesbraut. Það er orðið nokkuð langt síðan að fréttir hafa borist af slysi á þeirri miklu hraðbraut. Eftir að hluti hennar var tvöfaldaður hefur slysatíðni minnkað verulega og ég held að það sé rétt munað hjá mér að þar hafi ekki verið banaslys frá því að tvöfölduð braut var vígð. Það var mikil samgöngubót að tvöfalda Reykjanesbrautina og bráðlega verður Suðurlandsvegur tvöfaldaður, ekki verður sú bót síðri.

Síðustu vikur hafa verið kuldalegar í umferðinni. Verið nokkuð um banaslys og alvarleg slys á fólki. Árið 2006 var eitt versta árið í íslenskri umferðarsögu, en þá létust rúmlega 30 í umferðarslysum. Á þessu ári hafa fimmtán manns látið lífið, nú þegar að 25 dagar eru til áramóta. Vonandi mun takast að halda þeirri tölu óbreyttri. 

Alvarlegt umferðarslys á Reykjanesbraut

Athugasemdir

[Magnús (IP-tala skráð) 6.12.2007 kl. 17:54]

Einhverjar frekari fréttir borist af líðan fólksins sem lenti í slysinu í Árbæ?

Það hefur verið furðulega hljótt um það, engar fréttir í sjónvarpi, ekkert.

[Marta smarta, 6.12.2007 kl. 17:56]

Já þetta er ömurlegt.

Þegar ég átti leið þarna síðast í myrkri, var mjög erfitt að átta sig á hvar var einfalt og hvar tvöfalt. 

Merkingar ekki nógu góðar þar sem var verið að vinna í veginum, ég veit reyndar ekki hvort þannig háttar til enn, en oftar en einu sinni snarhemlaði maðurinn minn vegna þess að merkingar vegagerðar voru ekki nógu skýrar í myrkrinu og svo nálægt "framkvæmda"stöðum. (skrýtið orð ).

Vonandi fer þetta betur en á horfist.

[Guðjón Árni (IP-tala skráð) 6.12.2007 kl. 18:24]

Já maður skilur ekki hvers vegna ekki er drifið í að tvöfalda ALLA Reykjanesbrautina?  Og hvers vegna er ekki byrjað á að tvöfalda Suður- og vesturlands vegina? Þá verða svona alvarleg slys mun fátíðari, það segir sig sjálft að þegar bílar sem koma úr gagnstæðri átt rekast saman að þá verða slysin alvarlegust!  TVÖFÖLDUN OG ÞAÐ STRAX HVAÐ SEM ÞAÐ KOSTAR!

Það hlýur að vera kostnaðarsamt að þurfa að standa í þessum slysum eins og það er kosntnaðarsamt að´tvöfalda.  En hvers virði eru mannslíf, það er spurningin!

[Ásdís Sigurðardóttir, 6.12.2007 kl. 19:24]

Alltaf erfiður akstur á veturna. Hálkan og myrkrið og bílstjórarnir ekki alltaf með hugann við aksturinn. Kær kveðja norður.