Glæsilegt hjá Manchester United

Það var gaman að sjá Manchester United taka Liverpool áðan. Það er reyndar alltaf mjög sætt að sjá United-menn vinna þá erkifjendur sína í Liverpool. Baráttan milli þessara liða er orðin fræg og það er alltaf stórviðburður þegar að þau keppa, sama hvort það er um titil eða bara í deildinni.

Það stefnir í áhugavert einvígi um meistaratitilinn á næstu vikum. Liverpool hefur ekki unnið meistaratitil í um tvo áratugi og eru eðlilega orðnir hungraðir í slíkan. Þeir hjá United hafa átt sigursæla sögu á þessu tímabili sem Liverpool hefur átt í erfiðleikum og stefna að enn einum titlinum að vori.

Hef jafnan verið stuðningsmaður Manchester United. Hef fylgst með enska boltanum nokkuð lengi og haft gaman af. Það er lykilatriði að hver eigi sitt lið og fylgi þeim út í rauða dauðann.

Man.Utd á toppnum eftir sigur á Anfield

Athugasemdir

[Ólafur Björnsson, 16.12.2007 kl. 21:05]

Það var nú frekar stutt viðkoma hjá þeim á toppnum.

[Ásdís Sigurðardóttir, 16.12.2007 kl. 21:08]

Ég var nú byrjuð að halda með Arsenal áður en þú fæddist  :):) svo ég er ánægð með daginn     en o.k. til lukku með þína menn.

[Högni Jóhann Sigurjónsson, 16.12.2007 kl. 22:42]

Þetta er nú ekki sanngjarnt Sigurður, MU var mun sókndjarfara varnarmennirnir voru oftar en ekki við og framan við miðlínu en varnarmenn Liverpool fóru aldrei úr kallfæri við markmanninn og vörn MU var mjög góð.

Enn Liverpool voru góðir og eru á skriði finnst mér enn þeir voru eitthvað stressaðir í dag og töpuðu eiginlega á því.

Ég er MU maður en hefði alveg veruð til í að sjá Liverpool vinna og Chelsea vinna Arsenal og þjappa þannig liðunum á toppnum fyrir jólatörnina.

Enn betri liðin unnu í dag, það vantar enn stöðugleika í Liverpool og Chelsea.Veit ekki með Arsenal þeir eru að spila flottann bolta enn við sjáum hvað setur.