Þorsteinn Davíðsson til Akureyrar

Það eru gleðifregnir að Þorsteinn Davíðsson, sonur Davíðs Oddssonar, seðlabankastjóra og fyrrum forsætisráðherra, hafi verið skipaður héraðsdómari við Héraðsdóm Norðurlands eystra hér á Akureyri. Það verður mikill fengur fyrir okkur að fá Þorstein norður yfir heiðar. Þorstein hef ég þekkt í fjölda ára, kynntumst fyrst sumarið 1996 þegar að hann var að vinna við forsetaframboð Péturs Kr. Hafstein, en ég lagði því lið hér á Akureyri, og við vorum auðvitað báðir mjög virkir í ungliðahreyfingu Sjálfstæðisflokksins um nokkurt skeið.

Hefði ekki trúað því fyrir nokkrum árum að Þorsteinn ætti eftir að flytjast norður en hann er sannarlega boðinn velkominn í fjörðinn fagra. Óska Þorsteini til hamingju með embættið.

Þorsteinn Davíðsson skipaður héraðsdómari

Athugasemdir

[Jón Ingi Cæsarsson, 20.12.2007 kl. 17:55]

Gott að fá óháða og trúverðuga dómara í hérað..

[Heidi Strand, 20.12.2007 kl. 18:46]

Til hamingju!

[Gísli Baldvinsson (IP-tala skráð) 20.12.2007 kl. 19:01]

Tek undir með þér Stebbi og JIC. Það er gleðiefni að fá trúverðugan og hæfan dómara hér við embættið. Þessi nýskipaði dómari mun hljóta trausts almennings. Augljóst að hæfasti maðurinn fékk embættið.

[Ásdís Sigurðardóttir, 20.12.2007 kl. 23:10]

Gott ef allir eru glaðir. Vona að honum gangi vel í starfi og standi sig vel. Það verður örugglega fylgst vel með honum. Kær kveðja til þín og þinna.

[Sigurjón Þórðarson, 20.12.2007 kl. 23:11]

Mér líst nokkuð vel á kauða. Það er eflaust þungur kross fyrir hann að bera að vera sonur pabba síns en það hefði verið mun heppilegra ef hann hefði verið óumdeildur. Vonandi á hann eftir að sanna sig.

[Heidi Strand, 20.12.2007 kl. 23:57]

Til hamingju aftur

[Jón Ingi Cæsarsson, 21.12.2007 kl. 07:11]

Æi Stefán...enn raðar Sjálfstæðisflokkurinn lítt hæfum umsækjendum upp fyrr þá sem hæfari eru....flokksskírteinið ræður för... frekar þreytt ég verð að segja það

Sennilega er viðhorfið... nógu gott fyrir landsbyggðarlýðinn.

[Óðinn Þórisson, 21.12.2007 kl. 08:35]

Ég er alveg sannfærður um að réttur maður var valinn og hann á örugglega eftir að standa sig mjög vel.

Til hamingju Þorsteinn.

[Anna Benkovic Mikaelsdóttir, 21.12.2007 kl. 11:55]

já Þorsteinn er eflaust besti drengur...en burtu með matsnefndir, þær eru neyðarlegar!