Femínistar keppa í fegurð

Finnst það skemmtilega skondið hjá PR-manninum Ómari R. Valdimarssyni að velja fegursta femínistann. Þetta er auðvitað bara græskulaust grín hjá honum og ætti að vera tekið þannig. Fannst samt viðbrögð Kolbrúnar Halldórsdóttur, alþingismanns, við þessu í 24stundum í dag eiginlega enn fyndnari en könnunin. Hinar taka þessu betur. Það hefur gustað mjög um femínistana á þessu ári, þær voru umdeildar áður en náðu enn nýjum hæðum á árinu 2007. Þær eru beinlínis hataðar víða.

Það kemur kannski ekki að óvörum, enda hafa þær heitar skoðanir á viðkvæmum málum og ekki verið feimnar við að láta gusta um sig. Sóley Tómasdóttir hefur í senn verið þeirra valdamest og umdeildust. Hinar eru beinlínis vinsælar í samfélaginu miðað við Sóleyju, sem hefur átt í greinilegum erfiðleikum með að rata hinn gullna meðalveg skoðana. Það líður varla sú vika að hún stuði ekki bloggheimana og komist í fréttir fyrir umdeildar skoðanir á hitamálum.

Eflaust eru skoðanir í garð þeirra það skiptar að fólk sé ósammála þeim en virðir tjáningu þeirra. Sumir eru harðari. Það er skondið að sjá þær keppa núna í fegurð á bloggsíðu, enda hafa þær verið svo andvígar fegurðarsamkeppnum. Pointið í gríninu verður enn kaldara og skemmtilegra í ljósi þess. Það kemur þó varla að óvörum að umdeildasti femínistinn er ekki metin fegurst í þessari könnun.

Fegursti femínistinn valinn

Athugasemdir

[Stefán Friðrik Stefánsson, 28.12.2007 kl. 19:43]

Þetta heitir húmor á góðri íslensku sagt Ingi minn.

mbk.