Al-Qaeda segist hafa myrt Benazir Bhutto

Það kemur engum að óvörum að hryðjuverkasamtökin al-Qaeda hafi lýst yfir ábyrgð á morðinu á Benazir Bhutto. Morðið bar öll merki þess að þar hefðu þeir verið að verki og flestir stjórnmálaskýrendur sem þekktu til stöðu mála á svæðinu bentu á þetta í gærkvöldi. Osama Bin Laden hafði sagt Bhutto réttdræpa fyrir mörgum árum og fyrirskipað að hún skyldi myrt og öllum hefur verið ljóst að hryðjuverkasamtökin myndu aldrei horfa þögul á að Benazir kæmist aftur til valda.

Pakistan hefur verið eitt helsta skjól hryðjuverkamanna á valdaferli Pervez Musharraf og flestir telja að Osama Bin Laden leynist þar. Landið er markað af hryðjuverkum og ógnum á alla bóga. Það er eðlilegt að hafa miklar áhyggjur af stöðunni á þessari stundu. Pakistan ræður yfir miklu af kjarnavopnum og það er því eðlilegt að heimsbyggðin fylgist með pólitískum hræringum á þeim slóðum og hver muni hljóta yfirráð yfir þessum vopnum. Um þau völd er tekist núna í aðdraganda kosninga.

Hryðjuverkasamtök eru mjög sterk og eðlilegt að óttast framgang þeirra með morði á stjórnmálamanni vegna skoðana sinna. Morðið á Benazir Bhutto sýnir vel að nær algjört stjórnleysi er á þessum slóðum. Baráttan við alræmd hryðjuverkaöfl hefur sjaldan verið erfiðari og sú barátta tekur á sig nýja mynd án lykilforystumanns á borð við Benazir Bhutto sem var á góðri leið með að komast aftur til valda er hryðjuverkaöflin ruddu henni úr vegi.

Al-Qaeda sagt hafa lýst ábyrgð

Athugasemdir

[Stefán (IP-tala skráð) 28.12.2007 kl. 15:06]

Það þurfti ekki nokkur maður að búast við því að kona sem ætlaði sér völd í múslimaríki fengi að lifa. Slíkt mun aldrei henda á þessari öld.

[Björn Jónsson (IP-tala skráð) 28.12.2007 kl. 16:49]

Hvað með alla hina sem létust í þessu tilræði eru þeir einskis virði ??????

[Stefán Friðrik Stefánsson, 28.12.2007 kl. 18:16]

Þessari hryðjuverkaárás var beint að stjórnmálaleiðtoganum Benazir Bhutto. Það er lykilatriði málsins. Aðrir létust vegna þess að þeir fylgdu henni að málum. Þetta er auðvitað bara pólitískt morð á stjórnmálamanni.

[Ingi Björn Sigurðsson, 28.12.2007 kl. 18:19]

Þessi kona var valdamikil í múslimaríki, þannig slíkt hefur gerst á þessari öld. Mér finnst þetta samt eitthvað pínu skrítin. Eins og mig minnir þá stutti Bhutto, Talibana stjórnina til valda á sínum tíma.

Kannski hafa orðið einhver sinnaskipti, á milli hennar og Al qaeda.  

[Vendetta, 29.12.2007 kl. 03:44]

"Það þurfti ekki nokkur maður að búast við því að kona sem ætlaði sér völd í múslimaríki fengi að lifa. Slíkt mun aldrei henda á þessari öld."

Það er rétt hjá Inga, að Benazhir Bhutto hefur verið við völd í Pakistan - á þessari öld. En henni var bolað burt nokkrum mánuðum síðar eftir falskar ákærur. Fyrir mér er það augljóst að það eru pakistönsk yfirvöld, sem létu myrða hana, ekki Al-Qa'eda. Það er Musharraf sem er ábyrgur, ekki Usama bin Laden. Ekki frekar en Lee Harvey Oswald var ábyrgur fyrir morðinu á Kennedy.

[Ingi Björn Sigurðsson, 29.12.2007 kl. 11:11]

Svo ég leiðrétti sjálfan mig þá var Bhutto við völd á síðustu öld. En það skipti ekki máli með inntakið, ég trúi því ekki í eina sekúndu að Al Kaída séu ábyrg.