Verðskuldaður heiður fyrir Margréti Láru

Það er mjög ánægjulegt að Margrét Lára Viðarsdóttir hafi verið valin íþróttamaður ársins 2007. Hún stóð upp úr í knattspyrnunni og eðlilegt að hún sé valin á sigursælasta ári Vals í áratugi. Margrét Lára er aðeins fjórða konan sem hlýtur verðlaunin í 52 ára sögu þeirra. Þær hinar fyrri voru Sigríður Sigurðardóttir, handknattleikskona, árið 1964 - Ragnheiður Runólfsdóttir, sundkona, árið 1991 - og Vala Flosadóttir, stangarstökkskona, árið 2000.

Það var löngu kominn tími til að heiðra kvenkyns íþróttamenn og í rauninni er til skammar að ekki hafi fleiri konur unnið þessi verðlaun. Reyndar fannst mér sérstaklega dapurlegt að Kristín Rós Hákonardóttir skyldi ekki vera valin íþróttamaður ársins 2004, en það ár vann hún fjölda gullverðlauna á ólympíuleikum fatlaðra og var í fremstu röð á sínum vettvangi. Það hefði verið rétt að heiðra hana þá.

Margrét Lára er vel að þessum titli komin og ég óska henni innilega til hamingju. Það var umdeilt í sumar að hún fékk ekki verðlaunin sem besta knattspyrnukona sumarsins við uppskeruhátíð í sumarlok. Hávær orðrómur var um að unnið hafi verið gegn henni og það var leiðindamál. Þessi titill er sætur sigur fyrir hana við árslok.

Margrét Lára íþróttamaður ársins

Athugasemdir

[Rúnar Haukur Ingimarsson, 28.12.2007 kl. 20:41]

Mér finnst þú nú gera lítið úr þessum heiðri að vera valinn íþróttamaður ársins, hún sé valinn af því að hún sé kona og það hafi verið tími til kominn að velja konu... Hvað segja Karlistar ( andsvar feminista) við því ?

Svo er líka svolítið lykt af því að íþróttafréttamenn séu að bæta henni það upp að hafa ekki verið valin best af kollegnum á lokahófi KSI.

Þessi heiður á ekkert að hafa með kyn eða slíkt að gera einfaldlega sá sem skarar mest framúr á íþróttasviðinu í öllum íþróttagreinum á að vera valinn. 

[Stefán Friðrik Stefánsson, 28.12.2007 kl. 20:44]

Mér finnst Margrét Lára mjög vel að þessum titli komin. Hún átti mjög gott ár í sínum verkum, stóð sig vel. Þetta er gott val hjá íþróttafréttamönnum að mínu mati. Það er eðlilegt að talað sé um heiður til kvenna, enda er hún aðeins sú fjórða í yfir fimm áratugi. Þetta hefur alltaf verið tíðindi, man vel eftir því er Ragnheiður og Vala unnu að þá var það mikið í umræðunni að kona væri heiðruð. En ég tel að Margrét Lára hafi afrekað vel á árinu og það er eðlilegt að heiðra það.

mbk.

[Heimir Lárusson Fjeldsted, 28.12.2007 kl. 21:23]

Aungvan veginn rétt val.

Hún er í Val.

[Ásdís Sigurðardóttir, 28.12.2007 kl. 21:47]

Algjör snilld, húsbóndi minn var búinn að spá þessu.

[Haraldur Haraldsson, 28.12.2007 kl. 22:03]

Sammála þessu mjög að  Margrét Lára hafi verið valin Íþróttamaður ársins 2007/en Bikarin hann er horrör ,eða furðusmíð,að mínu áliti/Halli gamli

[Óðinn Þórisson, 29.12.2007 kl. 10:14]

Margrét Lára er mjög vel að þessu komin, hefur verið til fyrirmyndar innan sem utan vallar. Hefur allt til þess að verða ein af þeim bestu í evrópu.
Ekki skemmir það að hún er Valsari.