Húsafriðunarnefnd bjargar borgarmeirihlutanum

Jæja, þá er húsafriðunarnefnd búin að friða húsin á Laugavegi og sennilega um leið bjarga hinum bágstadda og ákvörðunarfælna vinstrimeirihluta í borgarstjórn Reykjavíkur. Skil samt ekki af hverju er verið að friða þessi hús. Sérfræðingar hafa sagt að það sé fátt eftir þar sem minni á hina liðnu tíð sem eigi að friða og þetta séu algjörir hjallar í raun.

Það var til marks um hvað vinstrimeirihlutinn í Reykjavík er viðkvæmur að þetta mál ógnaði honum. Og við heyrðum hið minnsta þrjár ef ekki fjórar skoðanir frá leiðtogunum fjórum í meirihlutanum. Það fékk mann eiginlega til að hugsa um hvað þetta fólk hefði samið um málefnalega áður en það ákvað að mynda meirihlutann. Var bara samið um völdin? Freistandi að halda það.

Nú bendir allt til þess að þetta verði allt friðað og gömlu húsunum verði bjargað. Það verður gaman að sjá hvað húsafriðunarálitsgjafinn Egill Helgason bloggar um það frá Barbados.

Ráðherra friði Laugavegshús

Athugasemdir

[Jón Ingi Cæsarsson, 8.1.2008 kl. 18:47]

Húsafriðunarnefnd friðar ekkert...ég vona að menntamálaráðherra sýni meiri ábyrgð en þessu undarlega nefnd sem sefur djúpum svefni og hrekkur svo upp á lokastigi máls og skiptir um skoðun....afar óvandað.

[Stefán Friðrik Stefánsson, 8.1.2008 kl. 21:28]

Vissulega, en það eru ekki mörg dæmi þess að menntamálaráðherra fari gegn álit nefndarinnar. Það vitum við vel hérna á Akureyri Jón minn.

mbk.

[Haraldur Haraldsson, 9.1.2008 kl. 00:28]

Nu er eg hisssa !!!!!farið hefur fé betra,Halli gamli