Myndbirtingar af umferðarslysum

Það er að mínu mati fátt sorglegra en að sjá myndir í fjölmiðlum af bílflökum eftir umferðarslys, jafnan bara örstuttu eftir að slysið hefur átt sér stað. Hef oft skrifað gegn því þegar að mér hefur eiginlega blöskrað það. Það er því jákvætt að sjá að engar myndir hafa birst hér á fréttavef Morgunblaðsins eða í öðrum fjölmiðlum af slysinu í Vestur Húnavatnssýslu. Ætla að vona að eina ástæða þess sé ekki fjarlægðin í slysstað frá fjölmiðlum í Reykjavík, heldur að fjölmiðlar séu farnir að hugleiða þessi mál upp á nýtt.

Það veitir ekki af því að tala um þetta, enda finnst mér að fjölmiðlar eigi að taka mark á því. Oftast nær þjónar þessi myndbirting engum tilgangi. Skil ekki fréttagildið í mynd af bílflaki. Myndbirting af þessu tagi skilur aðeins eftir sig sár hjá aðstandendum þeirra sem slasast eða láta lífið í bílslysum og mörg dæmi eru reyndar um að aðstandendur hafi þekkt bíla ættingja sinna í fréttamyndum á netinu áður en það fékk tilkynningu um slysið eða jafnvel lát viðkomandi ættingja síns. Finnst þetta mjög dapurlegt.

Það er því vonandi að fjölmiðlar taki sig á og hugsi þessi mál vel og innilega. Enda eigum við að hugsa um tilfinningar í þessum efnum ekki forsíðuppslátt á persónulegum harmleik.

Ók í veg fyrir vörubíl

Athugasemdir

[Oli (IP-tala skráð) 10.1.2008 kl. 07:38]

Þarna er ég ósammála. Það á endilega að birta sem nákvæmastar myndir af umferðarslysum, í fjölmiðlum, því þær hafa mikið viðvörunargildi. Það er einfaldlega skylda fjölmiðla að birta fráttir.

[Jónína Dúadóttir, 10.1.2008 kl. 08:37]

Já stundum er allt of langt gengið í þessum myndbirtingum. Ég þekki engan sem langar til að sjá svona myndir og skil ekki tilganginn með þeim.

[Berglind Berghreinsdóttir, 10.1.2008 kl. 10:09]

 Heill ogsæll...

Þetta eru orð í tíma töluð...og raunar dapurlegt að það þurfi að ræða þetta því þetta ætti að vera sjálfsagt að birta ekki svona myndir allra vegna....

Það að birta myndir af slysstað eða taka viðtöl í beinni á slysstað á ekki að eiga sér stað því það er bara einfaldlega siðlaust..... og auk þess tilgangslaust og ekkert fréttagildi í slíku....það er BARA særandi fyrir aðstandendur.....

Sem sagt ég er hjartanlega sammála þér .....

kv .Berglind   

[Skonsan (IP-tala skráð) 10.1.2008 kl. 12:25]

Ég er alveg sammála Óla hér.. Mér finnst þetta hafa viðvörunargildi.. Fólk ætti að hugsa þegar það sér svona myndir.. "Ég á að passa mig betur í umferðinni, þetta gæti verið ég ef ég geri það ekki.." En ég er alveg sammála þér að stundum koma þessar myndir fullsnemma eins og þú bendir á... Aðstandendur kannski ekki búnir að fá að vita af atburðinum..