Rétt ákvörðun hjá Kaupþingi

Það er skynsamleg ákvörðun hjá Kaupþingi að hætta við yfirtökuna á NIBC. Eins og staðan er nú hefði það verið glapræði að láta fyrri ákvarðanir standa. Þetta styrkir Kaupþing til lengri tíma litið, en efasemdir voru uppi um hvort að þessi biti væri of stór fyrir bankann.

Eins og nú árar er skynsamlegt að halda að sér höndum og það er mikilvægt að Kaupþing sendi þau skilaboð nú um stundir. Eftir langa uppsveiflu í viðskiptalífinu hefur bissnessinn verið krappur dans síðustu vikur og sér ekki enn fyrir endann á því.

Það er ekki við því að búast að yfirmenn Kaupþings staðfesti að hætt hafi verið við því bitinn hafi verið of stór, þó það blasi reyndar við eins og staðan var. Það er vonandi að viðskiptalífið rétti úr kútnum á næstunni, það verði hægt að tóna niður þær blikur sem eru á lofti.

Hætt við yfirtöku á NIBC

Athugasemdir

[Eirný Vals (IP-tala skráð) 30.1.2008 kl. 13:34]

Sæll,

Ákvörðunin er skynsamleg ekki SKYNSÖM, nú ekki nema þá bankinn tekur ákvarðanir sem hafa eiginleika sem við mannfólkið vildum gjarnan hafa

[Steini Bjarna, 30.1.2008 kl. 14:03]

Sammála hverju orði.