Hillary grætur, McCain brosir og Obama leiftrar

Frambjóðendur eru nú á fleygiferð um Bandaríkin að afla sér stuðnings á hinum spennandi ofur-þriðjudegi, þar sem kosið er í yfir tuttugu fylkjum. Hillary Rodham Clinton grét í Connecticut í dag til að sýna tilfinningar og reyna að ná aftur svipaðri bylgju og í New Hampshire til að stöðva velgengni Barack Obama síðustu dagana, en hann hefur verið á miklu flugi, virðist vera að raka fylgi John Edwards að sér og öðlast stjörnuljóma með stuðningi nær allrar Kennedy-fjölskyldunnar.

Það er eðlilegt að tilfinningar séu í þessu. Morgundagurinn er make or break-dagur í bandarískum stjórnmálum. Oftast nær hafa línur þar markað stöðuna í flokkunum hvað varðar útnefninguna. George W. Bush og Al Gore náðu báðir útnefningu flokka sinna á ofur-þriðjudegi 2000 og John Kerry árið 2004. Tvísýnn slagur er meðal demókrata á meðan að flestir búast við að John McCain rúlli þessu endanlega upp hjá repúblikunum. Kannanir sýna hann með helmingsforskot á Mitt Romney. Eftir sigra í Flórída, New Hampshire og Suður-Karólínu er hann nær óstöðvandi.

Það bendir flest til þess, eftir atburðarás síðustu daga, að harður og erfiður slagur sé framundan hjá demókrötum á meðan að repúblikanar klára sín mál og geta horft fram til kosninganna eftir níu mánuði. Það virðist vera að hvorki Hillary né Obama nái afgerandi stöðu t.d. í Kaliforníu og splitti bróðurlega með sér þingfulltrúum fylkisins. Fyrir nokkrum dögum var Hillary með unna stöðu í flestum stóru fylkjunum en allt í einu er hún orðin jöfn Obama í Kaliforníu, Missouri og það sem meira er, sjálfri New Jersey, en það hefði enginn trúað því fyrir skömmu að hún þyrfti að heyja alvöru slag við Obama svo nærri heimavelli í New York. En sú er raunin.

Á meðan að Hillary grætur og Obama leiftrar af krafti og með stjörnuljómann í farteskinu brosir John McCain breitt, er að leika gömlu góðu reyndu týpuna, aka einskonar Ronald Reagan, og er að ná útnefningunni. Af því leiðir að hann getur slappað af á meðan að Hillary og Obama bíta í hvort annað og línur verða harðskeyttar þar. Þvert ofan á öll falsbros Hillary og Obama í Kodak-höllinni um daginn er barist upp á líf og dauða og með öll vopn í farteskinu. Hillary og Bill þekkja ekki orðið tap í orðabók sinni og berjast allt til enda og hún mun aldrei taka varaforsetaútnefningu. Þar verður ekkert slappað af.

Það stefnir því í demókrataslag, þvert ofan á margra spár fyrir nokkrum dögum, þar sem flestir töldu jafnvel ofur-þriðjudag klára mál beggja flokka. Hillary kreistir fram tár til að stöðva hinn leiftrandi Kennedý-íska Obama og sýnir tilfinningar. Það hefur dugað áður og gæti dugað á morgun til að merja fram þýðingarmikinn sigur, enda er ljóst að ljómi þessa dags skiptir máli. Því er öllu beitt til í baráttunni.

Þetta verður spennandi dagur og vonandi munu línur skýrast. Það verður þó kaldhæðnislegt ef McCain getur farið heim og slappað af og unnið sína strategíu meðan að demókratar berjast blóðugri sögulegri baráttu blökkumanns og konu um flokksútnefningu fram á vorið og settlað flokkskjarnann sem enn er að sætta sig við að hann fronti flokkinn.

Spennandi forkosningar

Athugasemdir

[Gunnlaugur B Ólafsson, 5.2.2008 kl. 00:34]

Ég held að ef McCain er útnefndur og svo sem hvaða republikani sem væri, að þá geti þeir "farið heim og slappað af" í þó nokkur ár, Hann hefur engan þann neista sem þarf á móti öllum þeim krafti sem er í kringum demókrata þessa dagana.

[Stefán Friðrik Stefánsson, 5.2.2008 kl. 00:51]

Það er fjarstæða að telja að John McCain eða repúblikanar eigi engan séns. Hann mun sækja fram á miðjuna og verða frambjóðandi allt annars eðlis en George W. Bush. Enda ekki í innsta kjarna hans og kemur úr allt annarri átt innan flokksins. Það verður ekkert óbreytt ástand með honum. Það má vera að McCain sé kominn á áttræðisaldurinn en hann er ekki boðberi status quo í Repúblikanaflokknum.

Þetta verða spennandi kosningar og við skulum vona það, enda verða stjórnmálin miklu skemmtilegri þar sem er hasar og spenna. Sjálfur hef ég ekkert gert upp við mig hvern ég myndi vilja. Þetta er alls ekki sömu línur og hérna heima. Þessi pólitík er miklu meira til hægri við okkar. Fann það vel þegar að ég fór til Washington í aðdraganda kosninganna 2004 og fylgdist með baráttunni að ég átti ekkert síður samhljóm með demókrötum.

Þetta er allt annað dæmi en hérna heima og virkilega gaman að fara út og kynnast baráttunni. Ætla að gera það aftur núna síðar á árinu. Þetta er líka pólitík sem skiptir alla máli.

[Jón Ingi Cæsarsson, 5.2.2008 kl. 09:24]

Bandarískir kjósendur eru ekki fífl. Efnahagur og ált usa er rjúkandi rúst eftir bjánan Bush. Bandarískir kjósendur mun refsa hinum púritanska og heimska Repúblikanaflokki ... þeir eiga ekki séns...ég tala nú ekki um ef þeir setja afturhaldsaman ellilífeyrisþega í kosiningabaráttuna. Þetta er ekki Kína.

[Gullvagninn (IP-tala skráð) 5.2.2008 kl. 09:57]

Hver sem það verður, þá verður það "stríðsforseti" og heldur áfram með glæsileg verk Búsh.

[Ágúst H. Harldsson (IP-tala skráð) 5.2.2008 kl. 10:01]

Ég er sammála Gunnlaugi með það að róður repúlikana verður erfiður fyrir forsetakosningar í BNA.  McCain er ekki nógu traustur til að geta unnið.  Fjölmiðlar og almenningi í BNA þykir hann vera of gamall og búinn að fara í of margar aðgerðir til að geta virkað sem traustur leiðtogi.  Það á eftir að spila stórt hlutverk í komandi kosningum hvort frambjóðendur séu nógu heilsuhraustir til að geta tekist á við starfið alveg óháð hugmyndafræði þeirra.  McCain hefur kannski reynsluna en almenningur í BNA er líka orðinn þreyttur á því klúðri sem að Bush hefur haft í forsetatíð sinni.   Þegar að repúblikanar eru farnir að hæla Bill Clinton fyrir að vera betri forseti Bush þá tel ég ekki miklar líkur á að nýr repúblikani taki sæti eftir Bush.

[Paul Nikolov, 5.2.2008 kl. 10:05]

Sammála þér, Stefán Friðrik, þó McCain á enginn áætlun til að draga Bandaríkjunum úr Írak - hann vill að herinn śe áfram í Írak þangað til við "sigrumst". Clinton hins vegar lofaði að draga herinn úr Írak innan hennar kjörtímabil sem forseti, og Obama hefur lofaði að gera það innan 16 mánnaði. Þetta er mjög spennandi dagur í dag. Satt að segja á ég enginn áætlun til að sofa í kvöld - það væri vonlaust að reyna það.

[Óðinn Þórisson, 5.2.2008 kl. 12:05]

Það væri mjög óskynsamlegt að draga herinn frá Írak á komandi mán eða árum, verkefninu er ekki lokið. McCain er rétti maðurinn. Sammála Jóni Inga bandarískir kjósendur eru ekki fífl og munu láta repúblikanann McCain fá lyklavöldin að Hvíta Húsinu, annað væri skandall.

[Stefán Friðrik Stefánsson, 5.2.2008 kl. 13:17]

Jón Ingi: Eru repúblikanar ekki að senda sterk skilaboð með því að velja einmitt John McCain? Hefði haldið það. Hann er alls ekki úr sama armi flokksins og Bush forseti og greinilega valinn til að stokka upp. Þetta er val sem merkir breytingar. Það er algjör fjarstæða að telja að McCain verði framlengingarsnúra á Bush. Og aldur á ekki að skipta máli. Það eru stóru tíðindin í þessu öllu. Shimon Peres var kosinn forseti Ísraels í fyrra, hann er þrettán árum eldri en McCain. McCain er í fullu fjöri og hefur stuðning. Mér finnst aldur orðinn afstætt hugtak á okkar dögum, þar sem fólk verður eldra og getur sinnt sínum verkum mun lengur en fram að sjötugu.

Gullvagninn: Það verður allavega spennandi að sjá hvaða kúrs næsti forseti hefur. Næsti forseti verður úr annarri átt en Bush að svo mörgu leyti sama hvernig fer úr þessu. Spennandi tímar framundan.

Paul: Já, þetta verður spennandi nótt, heldur betur. Hef reynt að vaka stundum eftir úrslitum en nú verður þetta alvöru kosninganótt þar sem fylgst verður með alla nóttina, þetta er svona ekta forskot á kosningnanóttina 4. nóv. :)

Óðinn: Já, McCain á alvöru séns. Allar kannanir sýna að hann eigi mesta von repúblikana og það stoppar hann ekkert úr þessu með að fá flokksútnefninguna. Kosningarnar sjálfar verða æsispennandi barátta um miðjuna. Ekkert öruggt í þeim slag, sama hvort Hillary eða Obama mæti McCain þar.

mbk.

[Haraldur Haraldsson, 5.2.2008 kl. 17:43]

Það getur mikið gert ennþá,skoðunarkannanir bregðast eins og sést hefur/Eg veðja ennþá að Clinton vinni og taki Obama með sér i baráttuna þá er sigurinn viss Demókrötum i vil/svona mín hugmynd og von!!!!/Halli gamli