Bloggari dæmdur - Gaukur tapar fyrir Ómari

Það felast stórtíðindi í því að Ómar R. Valdimarsson hafi sigrað í málinu sem hann höfðaði gegn Gauki Úlfarssyni vegna ummæla hans í sinn garð. Þetta er eftir því sem ég best veit fyrsti alvöru dómurinn þar sem bloggari þarf að taka út ummæli sín og þau dæmd dauð og ómerk. Þarna er fjallað um bloggfærslur fyrir dómi með þessum hætti í fyrsta skiptið.

Ég hef alltaf verið þeirrar skoðunar að fólk verði að gá að sér þegar að það skrifar á blogg. Eitt er að hafa skoðanir, annað er að ráðast ómerkilega að fólki og með ósmekkleg ummæli. Það sést í þessu máli þar sem ummæli sem greinilega fóru langt yfir markið eru dæmd dauð og ómerk og bloggari verður að greiða miskabætur til þess sem hann fjallaði um. Eflaust verða málin fleiri síðar meir en þetta er sögulegur dómur og mjög merkilegur vegna þess fordæmis sem hann setur um ábyrgð á orðavali og umfjöllun í bloggheimum.

Það er ágætt að svona standard sé settur yfir, að fólk passi sig á því hvað það skrifar. Það er ágætt að tjá sig vel um þau mál sem eru í gangi en það verður að gera af ábyrgum og siðlegum hætti en ekki með blammeringum í allar áttir. Þessi dómur verður sem ágætis lexía í þeim efnum.

Sekur um meiðyrði á bloggi

Athugasemdir

[Haraldur Haraldsson, 26.2.2008 kl. 14:13]

 sammála þessu /vonadi sjá menn að sér/Halli gamli

[sleggjudómarinn (IP-tala skráð) 26.2.2008 kl. 14:14]

Alveg sammála öllu sem þú segir hér Stefán. Það nær ekki nokkurri átt að menn geti ausið aðra auri fyrir litlar eða jafnvel engar sakir án þess að vörnum verði komið við. Við búum í lýðræðisþjóðfélagi, þar sem málfrelsi ríkir. Það þýðir það að þú getur sagt hvað sem þú vilt, en þú verður að standa ábyrgur orða þinna. Frelsi fylgir ábyrgð og sá sem bloggar eins og þarna átti sér stað verður að gjalda þess. Gott mál.

[Friðrik Þór Guðmundsson, 26.2.2008 kl. 16:26]

Ég held að það sé útilokað að Hæstiréttur staðfesti þetta. Miðað við mína reynslu þá viðhafði Gaukur leyfilegan og lögmætan GILDISDÓM. Þótt fast sé að orði kveðið þá hygg ég að dómaframkvæmd (Hæstaréttar) muni staðfesta þennan skilning minn og tala um þjóðfélagsumræðu og gefin tilefni.

[Bimbó (IP-tala skráð) 26.2.2008 kl. 18:16]

Jú vissulega skal gæta orða í nærveru sálar,, Það táknar þó alls ekki að ,, með tilkomu útlendinga í Íslensku samfélagi,, sé okkur bannað að hafa skoðanir , né tjá okkur þar um , Dómurinn er ósanngjarn,, engar voru líkamsmeiðingarnar,, Og sálin sem um getur er nægjanlega þroskuð og fullorðin til að launa líku líkt ,, Það að þegja fremur en segja er sama og að samþykkja eða sitja þögull á lyginni,, Bloggarinn gat vissulega komið skoðunum sínum í betra mál með sama árangri,, Það er verulegur munur á að rita : Helvítis fíflið þitt ,, en geta heldur ritað : Ólukkans fíflið Yðar,, hafa ber þetta hugfast ,, fremur enn að láta hugfallast í skoðunum...

[Fannar frá Rifi, 26.2.2008 kl. 20:31]

Þyrfti þá ekki að ákæra og dæma Össur líka?