Jóhanna Vilhjálms áfram í Kastljósi

Það er ánægjulegt að Þórhalli Gunnarssyni, ritstjóra Kastljóss og dagskrárstjóra Sjónvarps, tókst að halda í Jóhönnu Vilhjálmsdóttur og tryggja að hún yrði áfram í Kastljósi. Hún ætlaði sér að hætta í þættinum af fjölskylduástæðum en nú hefur náðst samkomulag að hún verði áfram í þættinum.

Eðlilega lagði Þórhallur mikla áherslu á að halda í hana. Jóhanna sýnt og sannað með verkum sínum að hún er ein besta sjónvarpskona landsins og hefur staðið sig vel í verkum sínum; verið beitt sem spyrill og heiðarleg í umfjöllun. Ekki hikað við að taka á málum og verið beinskeytt í spurningum ekki hikað í neinu.

Annars er Kastljós mjög góður þáttur, áhorfsmælingar sýna að það er einn vinsælasti sjónvarpsþáttur landsins og þar er góður mannskapur. Það er gott að Jóhanna verði þar áfram.

Athugasemdir

[Tiger, 29.2.2008 kl. 14:07]

Jóhanna er ein af fáum "sjónvarpsstjörnum" sem mér hugnast ekki. Það er eitthvað við hana sem mér líkar ekki, kannski er það bara ég og mitt skrítna innsæi. Hún virkar á mig sem hrokafull og finnst mér hún stundum vaða áfram í þeirri trú sinni að nú ætli hún sko að fá viðmælandann til að koma sér út í horn, sýna hvað hún sé sterk á sínu sviði.

En svona er það, það sem einum líkar - líkar kannski ekki næsta manni. Hún getur svo sem vel verið yndisleg á öðrum vettvangi, en ég myndi ekki hafa áhuga á því að kanna það nánar. Gangi henni bara vel.

Mér finnst Kastljós oft á tíðum mjög skemmtilegt og horfi mjög oft á það. Oftast skemmtileg og fræðandi umfjöllun um menn og málefni - alltaf hægt að finna eitthvað þar til að hafa gagn og gaman af.

[M, 29.2.2008 kl. 16:33]

Gæti ekki verið meira sammála Ticercopper í öllu sem hann segir hér að ofan.

[Anna Kristinsdóttir, 29.2.2008 kl. 16:41]

Tel að hún og Sigmar skari fram úr í þættinum. Tek undir með þér að það er ánægjulegt að fá Jóhönnu aftur í Kastljósið.